其實女人之所以喜歡將自己跟男人的前度比較，最根本的源頭，是「嫉妒」。
妒忌她比自己更早得到一個男人的愛、
妒忌她跟他共同渡過多少自己不在場的浪漫時光、
妒忌她曾經把這個男人迷得多深，又傷得多深。
-港姐 http://www.qooza.hk/starblog.php?user=LylaKong&eid=27150517
自呂生入左醫院呢幾日, 我就一直東奔西跑
朝早煮早餐拎去醫院
晏就買完午餐就番屋企收拾, 整理魚缸、花盆
晚上再帶飯到醫院, 然後上班
呢一切, 令我知道原來細細個婆婆揍我既時候
又要照顧入左院既太公, 又要揍我真係好辛苦
不過責任既野, 冇得走, 對不對
所以我都盡量做......
但今日, 真的很累
番完通宵, 人真係特別虛
同時, 女人每個月都總有幾日情緒特別波動
就剛好係今日
當佢又試講埋啲刻薄既說話之後
我離開呂生張病床既時候
我真係決定頭也不回既番屋企休息
等佢自己一個係度悶下
(其實有位大房既師兄已經on the way黎緊探佢... )
點知一落到樓下
就見到我要搭既巴士係對面馬路準備離站
去到巴士站
就見到我既 假想敵
嚴格黎講, 我唔係第一次見佢
但係我同呂生一齊之後第一次見到佢
佢
係我中一既同班同學
我當下即刻崩潰了
除左強忍住淚水, 我個腦就只得一片空白
在最累的日子
做最傻的事
在最留有遺憾的地方
聽到最唔想聽到既說話
錯過最唔想錯過既巴士
見到最唔想見到既人
心情跌落最低點之後
一落車我決定要去買野!!!
呢幾個月出糧之後我都冇買過野
就趁今日啦!
|
