話咁快！阿仔已經兩個半月嘞！仔仔好驚悶，成日都要人同佢傾計！一放低佢一個人就喊！而家都有十二、三磅重嘞！有一樣野仔仔真係好叻，佢未滿月已經識話俾人聽要痾臭臭，佢甚少痾係片片到！而家日日都同佢兜到臭臭！勁呀！

呢排天氣好凍呀，而且好濕呀！大陸有好多地方有雪災，停水停電，好慘呀！今次雪災係五十年來最嚴重呀！仲發生係新年前，好多人都返唔到郷下呀！希望快啲雪過天晴啦！

BB係11月12日預產期出咗世！個朝一早見紅，打電話俾醫生，醫生叫我去診所檢查吓！

一照超聲波發覺胎水少咗好多，醫生話我子宮開始自己收縮，但係我宮頸未開，如果係要催生，都未必得，而且胎水少咗，所以叫我個晚入院開刀，開完刀個晚啲麻醉藥散時，個人好辛苦，整晚都冇乜訓過，開刀後，個人覺得好虛，仲成日標冷汗！而家當然好返好多啦！

BB出世有3KG呀！估唔到我只係重咗18lbs, 生完之後都係重咗2lbs,所以唔駛減肥，不過我而家有少少肚腩！BB所有野都正常，係飲奶飲得慢同比較少！佢而家脫皮脫得好嚴重，希望快啲脫哂，靚仔返啲啦！

距離預產期仲有三日，仲未生得呀！

但係個肚時不時都陰啲陰啲咁痛！

放咗產假差唔多兩星期勒！係六號去覆診時，竟然係一星期內面重左三磅！

而家個bb有6.8lbs, 醫生幫我檢查宮頸，話個宮頸都仲係好硬！

如果過咗預產期仲未生得，我就要係16號凌晨12點入院催生，希望bb乖乖出黎啦！

唔好要我催生啦！

踏入36週嘞！心情開始緊張，唔知BB幾時出世？

前日去睇完醫生，醫生話BB個頭已經轉得好正勒！而且BB已經有5.8lbs.

佢而家踢我踢得好鬼痛呀，我去廁所仲密咗好多呀！

而家個肚一有咩風吹草動，自己都會特別留意！

希望BB乖D，唔好要我痛咁耐啦！

上星期二去檢查，BB size 正常嘞 (上次中下)，BB而家已經有4磅嘞！

我都重咗11磅嘞！而家愈來愈辛苦，啲手手腳腳都成日酸軟，而且個B日日係內面不停踢，攪到個人都幾攰！

我真係唔係好食得，但係我勝在好訓得！所以個B啲肉唔係食出黎，係訓得黎！