BB係11月12日預產期出咗世！個朝一早見紅，打電話俾醫生，醫生叫我去診所檢查吓！

一照超聲波發覺胎水少咗好多，醫生話我子宮開始自己收縮，但係我宮頸未開，如果係要催生，都未必得，而且胎水少咗，所以叫我個晚入院開刀，開完刀個晚啲麻醉藥散時，個人好辛苦，整晚都冇乜訓過，開刀後，個人覺得好虛，仲成日標冷汗！而家當然好返好多啦！

BB出世有3KG呀！估唔到我只係重咗18lbs, 生完之後都係重咗2lbs,所以唔駛減肥，不過我而家有少少肚腩！BB所有野都正常，係飲奶飲得慢同比較少！佢而家脫皮脫得好嚴重，希望快啲脫哂，靚仔返啲啦！