Hello 未來的自己

我先簡單講一講我現況

由2016年上一個post時間點開始講

2016年尾我認識依家老婆Rebecca

2017年同Rebecca一齊，仲好快搬左出黎住

一開始仲有3隻狗同住，肥豬Cookie妹妹一家人

2018年第一次可以同年去兩次旅行

2019年頭Cookie行唔到，要睇醫生，好貴

開始意識到我需要搵多d錢，保持財富健康

感覺自己諗法有好大改變

變到好緊張錢，係特別緊張自己既錢

主要原因係2020年開始準備同Rebecca結婚，要使錢

2022年11月5號，值得紀念的日子

中間都要記得Charcoal同墨丸，等於我的屋企人

其實點解講咁多現況，我想表達我自己變左好多

活在當下，珍惜眼前人同狗仔

呢7年我個諗法完全改變哂

我睇番以前既post，以我依家諗法我肯定打唔番出黎

過去既自己，懷念下都幾開心

感覺好青春，感性行第一，無拘無束咁完全表露出黎

睇番轉頭其實以前既自己都幾自私

我意思係只係活在自己世界

未來的自己，其實無乜特別野想同你講

我上面講咁多野只係想表達我對未來完全無幻想

我仲努力每日奮鬥，壓抑自己慾望，克制自己情緒

上面都有講，我比以前緊張自己既財富

我亦都好重視我身邊既人同狗仔

我思想越黎越現實，我諗應該係呢幾年黎變化得最大

不過我睇番以前既blog，我內心仲有一點點後生時既衝動

所以我有心機打呢篇咁長又無聊既野

想做就做，完全無顧慮，呢度諗到乜就打乜

我好耐未做過咁抒發既舉動

我知道自己最內心處一d安全感都無

但係每日都要頂住，支撐住呢個屋企

我係咪已經成為一個真正既成年人喇？

真係好掛住以前後生既自己

以前既自己成日都俾情情愛愛咁圍住

無諗過最重要係結果同面對現實

人大個左，諗番起以前都係酸酸甜甜

會心微笑

未來既自己，唔知幾時又開黎睇睇

下次見到面，又分享下你既近況係點？

希望睇完唔好笑我呢一刻係語無倫次

年少多好，大把時間揮霍