間唔中都會睇下以前既日記 感覺好奇妙
唔知係咪人大個左 開始好中意睇番以前既野
睇番以前既我 覺得有少少幼稚 諗番起都好笑
好重情感但係都好識收埋自己 唔俾人睇到
其實依家都係咁 應該係性格就係咁唔會改變
只係自己周圍擁有既野有D唔同
有自己既事業 創業 收入穩定 男人真係唔可以窮
有自己既車 睇心情中意就周圍走
有自己一套既諗法 學習人地之時都一路表達自己想點
人生經驗多左 自然睇既野都唔同
以前真係以情感行先 雖然依家都係咁
不過已經識得點樣去平衡 適當時候要保護自己 為自己打算
呢樣野係晶晶身上學番黎 佢提醒我 要幫人唔係唔岩 要諗下自己先好去幫
我始終要長大 要成家立室 唔為自己打算仲有邊個會去理
所以我學識點樣分輕重 學識思前想後 學識選擇 學識無後悔咁行落去以後既人生
以前既日記 好多都同自己行過既女仔為主
人生總會有D遺憾 的確對佢地有試過唔認真 出禍
該珍惜既無去珍惜 無左先黎後悔
我估係以前覺得自己仲有時間 心頭高 每次感情開始時都騎牛搵馬
當個女仔開始心淡 我先走去放多D心機感情落去
無限循環
依家都有少少咁既心態 應該又係賭博心理掛
但係學識最低限度都要令對方開心 唔好去做D對唔住人地既事
人大個左 都知道自己要做應該做既事 對得住自己良心
唔可以將個無限循環再次發生
我睇完以前有句說話 好有意思
"當有一段新既感情，有如身處幸福暖池中，要警惕自己，昔日係冰天雪地怎樣過"
依家既我，我會回應一句
"就算身處任何環境，都要珍惜眼前既幸福，感謝遇過既歷練"
"沒有以前既你，唔會有今日既我"
"謝謝你，家有小白"
我既日記唔會日日寫，隔幾年抒發下思考人生都唔差，做個自己人生既紀錄，下次唔知幾時又再寫喇 |
