忠言...逆耳...
自己好自為之...

有道有義當中卻有段時候...
為了獲一些東西竟變得輕友...
放棄你的手...

有汗有淚當中也有段時候...
共你為一些看法竟發生爭鬥...
各有各的走...

上星期４月２６號我出鏡了
呢一星期我都聽到有好多識同認唔到既客都話電視見到我
虛榮心　有一點點啦
不過我無預料自己無咩心情去睇番
本來心態上自己係電視中一分鐘主角　感覺應該唔錯
睇番　我又唔當係咩一回事
係中環地鐵既大相應該差唔多ｐｏｓｔ上去
又係無咩期望
對所有野都好似提唔起興趣
本來有時打算想做我最想做既野
做緊果時　又唔係太想做
一切都睇得好淡
連打個電話俾朋友既氣力都無
上３個月係我身上發生左好多事
諗起有ｄ事都生死悠關
到依家　安靜得有點可怕
感覺好似風暴既前夕咁
我信命　但我唔信運
我第六感話我知今年一定多變數
睇我點樣去表演呢一年
呢段時間　當係好好休養下　反思一下

琴晚nicole打俾我叫我出去飲酒
我覺得有ｄ唔妥　叫埋阿銀出黎陪我去
諗番起好在有阿銀係度　唔係我肯定會出事
識到呢個兄弟　都算係我既一種福氣
落吧都唔係太岩我　落親去都好無安全感
少落為妙．．．

感情呢樣野　好虛無
由其是飲完酒仲更加如此虛幻
感覺要黎就黎　可以突然間湧出黎
明明個心唔鍾意既　亦都知對方都唔鍾意既
都可以走埋一齊　一訓醒　咩都唔記得了
話自己仲清醒既　實是呃緊自己
早ｄ放手係岩　不過又再回頭有咩用
妳當我是什麼？　我唔會再俾我同妳再錯落去

當知道大家係鍾意對方　
但係又唔會一齊
好辛苦的
但係咁我可以點做
只怪自己當初沉得太深　不能自拔
想用另一段感情去洗刷
結果　無用的
更糟的結果只是傷害了對方
當初自己揀既　無得後悔
唯有今後做好自己本份
提醒自己　唔好再亂咁開空頭支票給別人

呢篇野我用黎警惕我自己...
過於重情...過於承諾...又害死我一次...
我岩岩想投入感情落去果時...
一個打擊...差d就令我死得不明不白...
呢個時候真係岩岩好...
不過我真係錯失左好多野...
呃左自己...呃過身邊所有人...
但係我無後悔過...呢d係我想要既經歷...
我認為我自己本身既想法有d問題...
我需要改變我自己...
到最後變到是好是壞...唯有給別人去定...

呢一星期　好似發夢咁過
早排我個經理Jackie同我講　馬會要做個特輯
佢睇得起我＠＠叫我同另一位主任Joysi一齊拍
個特輯有機會係電視見到我自己＠＠
咁大個仔都未上過電視　有機會可以試下都好
３月２３號　有位編劇Maggie幫拍我地三個做訪問
不得了　我就太緊張　不停ＮＧ　重拍又重拍
攪左成個鐘先攪掂果幾條問題
之後俾ｄ大老細過一過目　佢地對我第一個印象就係．．．
呢個男仔ｄ頭髮有ｄ長喇！！！
當然我要走去剪剪佢　好慘　我對個頭都幾重視
無計　因為仲有另一半要拍

３月２８號　跑馬日再拍過
Maggie見到我個頭　話我早就應該剪　依家有機會唔接戲
但係大老細叫到我要去剪　唔通唔剪咩
之後拍左幾個鏡頭　全程都係拍Jackie同我
要拍既時間係好短　不過原來對住ｄ背燈真係好累
精神都好緊張　又驚講錯野　不得了
都係拍兩日姐　終於拍完　不過仲有ｄ野要整．．．
Joysi走黎同我講　過２日我同佢要出荃灣影硬照
佢仲話影完之後　中環地鐵同銅鑼灣投注站　仲有天星碼頭都見到我地既相
既然拍完野　唔差在試埋硬照＠＠

３月３０號　荃灣投注站
我特登唔帶眼鏡　大老細見到我都話我好睇好多
原來請左一班好pro既攝影師幫我地影
我就獻左我既第一次．．．俾人化妝
化左出黎　真係成個人都唔同哂＠＠
今次主要影３個shot　但係可以影左至少５０張以上
影左３個鐘．．．我發覺左自己有個好大缺點
就係．．．唔識笑．．．
個師傅叫我笑多ｄ　但係對眼又要掙大
咁我對眼都唔係大嘛　好辛苦
Joysi就話我個樣好攪笑不停引我笑=.=
終於知道model真係唔易做．．．

加埋呢３日既努力．．．４月就係電視同廣告板見到小白喇　ａ＿ａ
睇到我ｄ成果出黎　都要記得我之前有幾辛苦　＝　＝