靜靜去睇呢個世界 沉默地聽每一個人說話

原來果種感覺 是不用說出口

一動不如一靜 有時都覺得好WORK

今日發生既事 我應該將來都唔會記得

因為呢個人 已經唔值得去讓我記住

今日 我已經睇通左佢 本來我果種唔服氣唔甘心既心態 爆破了

變得將來只會記得佢係一個負面既人

有人話我: 因為你寵得佢太緊要 佢看不到世界既殘酷

今日的我 親自用殘酷的自己向佢反擊

凱旋回家~

依家 我可以理直氣壯咁向前走 去找我下一站幸福

回頭都要對你說一聲

多謝你 如今我輸得起 將來我都會輸得起

以後要嬴 要先懂得輸

輸都要輸得漂亮

下一場 又可以仰首地出撃

一男一女兩個人拍拖　就會有兩個人一齊既經歷

我相信十個女仔之中九個都有諗過結婚或者生仔　作為佢地愛情路上既結果

好可惜十個男仔十個都唔會咁快諗呢樣野　包括我在內 

男仔對拍拖既印象都係怎樣經歷過每一件事

所以十個男仔九個都有製造浪漫既天份

差在男仔用左幾多努力去造出浪慢

亦都代表對那個女仔既愛有幾深　好合乎正比例既原理

女仔受唔受得落　唔係太過在乎佢地既付出

而主要留意感受一下佢地對自己既愛意有幾多

所以女仔會好鍾意浪漫之後既結果
 

 但係男仔都係鍾情另一半受佢地所造既成果的過程 

女仔都會為另一半付出　不過佢地始終不惜辛苦只求結果

 以為可以愛到另一半一生一世

 男孩子喜歡尋新刺激　女孩子只懂安份守己

 所以女孩子往往成為悲劇愛情故事既犧牲品

最近我有少少沉迷左ｏｎｌｉｎｅ　ｇａｍｅ度

我都唔算玩得最投入　有ｄ人為左玩而玩　有意外收獲另計啦

但係我想講　比我投入既人　佢地可以係隻ｇａｍｅ度搵番某種感覺

不過現今既人都多數都係愛情既感覺喇

有ｄ稍為成熟ｄ既　都搵到佢地初戀既感覺

佢地有ｄ甚至已經有仔有女喇　不過佢地都鍾意追尋呢種感覺

但係都適可宜止　何必太過認真

係人都有七情六慾　太過執著身邊那位　對得耐都會悶啦　都算係好正常既事

最緊要識倦鳥知返　玩完喇要收手時都執番好佢

 唔好攪到好似生離死別咁　好來好往至岩嘛

個目的只不過要番果種想要的感覺

對呢種似虛非幻既感覺太認真　就破壞到自己既現實喇

 當係發左場好奇妙既夢啦

除非真係真係好鍾意果個人

否則既話無咩可能去做人地既後備

不過呢種事往往發生係一ｄ優柔寡斷既人身上

而優柔寡斷既人大多數係男仔喎

所以　萬一上天既無聊安排　有兩個女仔同時鍾意個男仔

而個男仔已經同緊其中一個拍拖　另一個心甘情願做人地既後備

痴線　以為係踢波阿　正選缺席就有個後備頂上去阿

得閒就搵下後備　發洩一下沒有正選的日子

呢個世界　清醒既人已經越黎越少

 好多人果對眼已經俾ｄ愛情既幻覺封住左

好番既　都有好多後遺症　醫番都無用

只怪呢ｄ人心甘命抵

流淚　是人類宣洩自己情感的其中一個方法

正如開心就會笑　發悶就木起面來

原來　這些不是說喜歡就想去做

只不過　人一覺得心裡面很不舒服　自己不能抑制

就會流出淚來　不只是女仔　連男仔也是一樣

但是我始終覺得流眼淚哭出來　是女仔天生應有的權利

 男仔哭出來　令人眼中只覺得是懦弱

不過就算眼前是個超級醜八怪　只要是女仔　可以說得上惹人可憐的

其他人可能跟我的想法不同　但是如果試著同一時間　朋友們一男一女同時一同哭起來

我想　大多數人都係先理會女仔　這就是女仔流眼淚的優惠

正正因為有這種權利　所以有些女仔經常使用

男仔的眼中　初初就覺得要好好呵護這個女仔　

但久而久之反而覺得厭煩　甚至不想見到她

所以另一些真心想為自己心愛的人好的女仔　想到這一點

寧願自己受到委屈　都不想自己心愛的人見到她流淚的樣子

慢慢這些女仔學懂了忍淚　淚眼凝洭也不流出來

依我的想法　這些女仔才是男仔應該最疼錫的人

依我看的世界　有很多男仔對這種感情也不會好好珍惜

所以我也明白到　女仔不是喜歡流淚

而是自己真的忍無可忍之下　才流出眼淚

若是為自己心愛的人流淚　這才是男仔最應該珍惜的淚