今日十二月一號凌晨

一個月前 到依家 估計唔到咁多野

呢個黑色十一月終於過去左

我既心情可以用過山車形容

由有變無 由失去得到更多

再慢慢消失 一場夢

依家係什麼光景

我要記得月頭果種冰天雪地既感覺

先會珍惜我依家擁有一點點溫暖同光

比起之前果種心無牽掛既感受

來得輕鬆嗎? 自由?

我寧願心裡面住了一個人

總好過空空如也

有如行屍走肉一樣

我承認我需要愛情 好渴望愛情

依家還好 雖然我唔知道可以維持幾耐

又或者 聽日已經又無左

將來 我怕左去諗 到時又唔係自己所諗既野

這樣下去好嗎? 我不知道 不想再諗咁多

即係咩意思?

可能係講 一齊緊 但雙方繼續尋覓新對象

今日的我同阿秋 有D貼切

彼此之間還有愛嗎?

似有似無 更加似係唔捨得大家

這算是愛嗎?

感情 觸摸唔到 更加唔好諗點捉得住

我個心其實係咪仲愛佢

點解我心靈上仲係咁空虛

時間可以沖淡一切 時間可以俾我答案

其實既然一齊番 應該係值得高興既事

感覺到 我好似又失去左其他野

做人唔可以太貪心

一動不如一靜 靜靜地睇下我同阿秋之間既世界

到底仲有乜野大家亙相去牽引

情呢個字真係好深奧

可能要識多D人 拓展自己既圈子

或者 我對呢段令人百思不得其解既感情有個結論

琴日我終於將阿秋既野拎哂俾佢

換得黎既結果 完全唔係我想像到既答案

難得一種重擔放下

更難得既係 我同佢既關係 感覺上 比以前來得簡單

友達以上 戀人未滿

反而好需要清楚知道我既位置係呢度

有好多野 要慢慢黎 唔好太急

將來既事 一齊番又好 繼續做朋友關係又好

呢件事上 對我黎講已經係一個BONUS

我應該要有哂心理準備去搵我既下一個

保持清醒先最重要

唔好再將所有希望放哂同一個人身上

要成日同自己講 呢個世界好大

時間可沖淡 時間亦可證明一切

亦都要同自己講 我已經係一個人單身

所有野 跌到落黎都要積極爭取

盡可能唔好再錯過任何機會

兩年前既我 點會諗到今日既自己

諗起初初識佢 跟住一齊 都無諗過今日又回復自由身

無競爭之心 無上進心 一直以來到依家一刻都無變過

直到失去 就不停咁令自己思想進步

安於現狀 其實一直以來既缺點 想改也改不了

小白 一有小小甜頭 就以為一切都係自己的

其實呢個世界一直都變緊 我自己就停滯不前

前兩日 約左阿芝出黎傾計 佢發覺我諗野成熟左好多

其實 係因為我呢兩星期變得最多

失去了 得著了更多 自己真的以為自己是這樣嗎

我覺得自己變得更虛偽 以成熟既思想瞞了自己既天真

我一直都係咁天真 唯有忍痛去接受呢個事實

繼而變了現在既我出黎

我唔知下一個我會愛得怎樣

唯有偷偷地打今日既日記出黎 為將來既自己打日記

好迷茫 我唔知將來要點面對

我要處理好今日既自己先

點樣以心無牽掛既自己繼續過生活

將來既我 一定俾到答案

下雨天 總掛念從前

每一日起身 我個腦好似電腦REBOOT一樣

心情都係咁沉重

還是記掛住佢 還是很憎恨佢

總之我到呢一刻 我都係好DOWN

心靈好空虛 可能習慣心裡住了一個人

突然間 現實既佢已經離開了

所以 又要開始習慣自己一個人

唔習慣 定係 唔捨得?

我知道 時間可以沖淡我既心靈

我知道 時間不等人 我不能再停下來

我知道 我又要繼續我既旅程 一個孤身既旅程

我知道 我仲有好多朋友關心我 失去了 得到更多

我知道 我既愛情未死 只是我未找到一個適合對象

所以 日記打到這裡 我心又有點舒服了

俾自己一點點理由 去潔淨我既心靈

今次 我學懂了很多 沒有佢 沒有今日的自己

離開 只是佢既心 佢帶不走我去愛下一個既決心

佢不珍惜我對佢既愛 只是佢不珍惜

我 愛得無悔 只是一點點難過

有時不知道佢既事 對我來說會挽留一點好印象

為什麼連一點點好印象佢都要帶走

這才是最心痛 俾到一個理由自己

我今次 我愛上一個不該愛的人 要放手了