上次打緊一篇，但由於忙了好一陣子，這次是兩個星期的網上．日記......

        上個星期，可算是先苦後甜。世貿會議，可算是一個過去式，但意想不到的，相信就是初時在和平的遊行示威底下，臨近尾聲時會有一次這麼大的騷亂……而這個世界各地的示威人仕同警方對峙超過30小時，亦令灣仔、銅鑼灣交通大癱瘓，最緊要係……攪到我星期日返唔到學校剪片呀！

        世貿0係香港攪始終都有所利弊，不過就一定係俾0左一個好好0既經驗俾香港警方！先講講我0個幾日做過乜啦！世貿會議期間，我的工作地點依舊不變，星期六下午，我身處跑馬地，因為要去上最後一課“愛情智商”而趕到去中環，離開公司的一刻，才驚覺自己忘了下午有“大遊行”！ 即係咁，封路都封了幾天，對我的影響不大嘛，當然唔會上心啦[呢d咪係香港人普遍的心態]！平時我要由跑馬地到中環/灣仔，我就好自然咁跳0左上電車，冇他0既，電車行得唔快，而且又便宜，可以一邊聽歌，一邊看風景/休息，而且星期六是周末嘛，當然要放鬆心情慢慢來啦！但係0個日，即係1217，我遲0左放工，要趕去上堂，原本打算搭地鐵，但係又太遠，幸好在附近的巴士站找到去中環的巴士，要不然，那天我一定會大遲到的！但估唔到，係出奇地暢順呢！

        上堂期間，聽到出面部電視機聲，數次無記新聞的片頭聲....仲聽到一把好熟悉0既聲音.....於是上堂上得唔係好專心，心知香港已發生大件事！.....由於是最後一課，大夥兒已一早約定了去食飯....過不到灣仔，唯有到上環，我們去了打邊爐，還對正了部大電視，一直都有看著個現場情況....出動水柱，又有另一批走到菲林明道，韓國農民開始沒法控制，走出馬路，警方再擴大封所範圍......紅隧唔俾車入....地鐵陸續封所灣仔、銅鑼灣出口.....市民盡量唔好到灣仔、銅鑼灣一帶......看到這樣的情景，不禁替記者們擔心，於是給了一個替他們打氣的短訊！ 收到係咪感覺好warm呢？....

        “愛情智商”上完喇，未有時間為這一個課程來一個總結，但我覺得“愛情”這一個課題是你同我人生中不可或缺的！你知唔知你需要一個怎樣的情人嘛？ 不過這一堂的得著除了是知道多0左關於“愛情”之外，咪就係識0左一班同學，我們這一餐吃得真高興呢！而遲d我會報名參加“母親的抉擇”的義工，會幫手湊細路 ...我成日都好鍾意周街撩細路，而且我條動畫正要找小朋友來做research，是一個好機會呢！加上我以前graphic design的畢業作是替“母親的抉擇”做的嘛....如果有機會，我不介意將作品給他們！

        上次因為世貿會議，封了灣仔，我星期日返唔到去剪片，但係星期二要俾老師同導演睇first cut，我利用我最大的力氣星期二朝剪，但當然好rough啦，下午，我就俾老師話我剪得太過“新聞”喇 ，不過話時話，要快就會剪得好新聞，因為朝朝早都會咁趕片嘛！所以我下次一定要返多d時間，加埋music先交貨！其實我真係怕自己真係因為剪新聞剪得太多而分唔開剪drama呢... ...下午X'mas Party時，Gipsy來關心我的近況時，我卻耿耿於懷的提及因世貿而令我唔夠時間剪片......我心虛我不安我擔心...

        而這個星期，雖然話放聖誕假，但我卻差不多每一天都返了學校，是為了功課，亦為了自己著想，屋企人氣旺盛，自己會變得好唔專心，所以返學校係一個好選擇！

        中港台要寫essay....仲要3000字，我其實真係唔鍾意寫文！因為明知自己會寫得唔好！但因為課程範圍包括這一科，我不得不寫文了....我又睇書又睇dvd....0個日仲返0左屋企同阿媽睇《一江春水向東流》(上)(下)，又發覺，當時40年代的中國電影又幾好睇喎，劇情緊湊，人物性格突出，反映歷史事實.... 文終於交了，放下了一顆大石，仲有幾顆....但願這一科早早完結，我真的不愛這個老師，唔知點解一上佢堂就一定會訓，而且佢平時send來叫大家去上堂，準時交功課的email....都一定係煩男之榜首，就好似朝早遇著的男編輯般.....

        冇錯喇，這兩星期一定要提這件事，就係人生中第一次用45分鐘賺到好好搵的外快！就係配了一條旅遊發展局的vo....給了我好一個經驗同聖誕禮物！

        你聖誕過得怎樣？我就是在工作下渡過，不過都有收到好友的聖誕禮物！

2005年即將過去了...要精簡地總結我的2005...  

2005 <一月>.....由頭開始。 我染了一個很不得了的紅/紫頭，想做很久的事，型囉，我諗趁後生係可以一試的！還有第一次用Animation的Freelance! TA TA返了香港，我一有時間就陪她喇~~

 2005 <二月>.....有萱 萬事足~~我見到小萱呀，同佢開生日派對，不知不覺鍾意她已經有十年咁耐喇，今次同佢面對面，仲有跟我擁抱呀！去0左澳門三日兩夜，打攪了大佬，但食0左好多好0野！

2005<三月>......“大長今”熱潮，一百集，我冇睇晒，但係好睇呀.....開始忙2nd Year Project!

2005 <四月>......有點迷失、迷惘、失落.....討厭自己....但估不到.....四月，又讓我見到小萱...又跟她擁抱...她的《戀愛地圖》要上映了........等待她的BOXSET...手工日記、DVD....面世！！

2005 <五月>......竟然有得休息，又開始寫網上．日記；開始飲中藥調理身體....實效，咪飲咁耐益咁耐囉！好想捐血但捐唔晒； 小王子說我會有好事發生....果然.....馬會請了我做INTERN；亦有說好運會遭人妒忌....

2005 <六月>......先甜後苦，忙到死死0下.....為《愛我媽》剪片，我極速下一星期三個cut......之後再開始做TVC......為了二年級的Project要通幾晚頂，幸而終於完成，總叫有對得住自己，更有獎勵，我放暑假喇！.

2005 <七月>......生日嘛，之後就開始病，中暑、發高燒、支氣管炎.....

 開始了打兩份工的生活，一份intern，一份parttime!

2005<八月>......辛苦的一個月，返兩工，幸而卻得到多一份parttime!

 仲識多一班有趣的同事。千祈唔上好皇崗按摩...!

2005<九月>......辛苦過後，跟朋友去泰國旅行；之後，要返學同返兩份工~~增加抵抗力，打了支流感針~~