未打這星期的日記之前，首先係要講講今日收到的個好消息 .....自問唔係好有抽獎運的我，上次買了Wyman的十週年大碟，於是順手send埋去博拎佢演唱會飛，點知，今日收到email....我中獎了...未諗到同邊個去睇，你估會唔會係你啦！另外呢，就係由於太愛范曉萱的關係，我買晒佢0黎近在香港的wild day out的兩場concert.....認真大出血 ，即係下星期，會有兩場演唱會聽....^^"

    星期日已經開始在apa埋首了，下星期開始，星期日才返馬會，星期六....咪返apa剪片做功課囉！由於太忙[開始忙]的關係，各方好友，我夜晚未必有時間出去玩喇....要休息的呀，如果唔係，唔駛見人！ Fiski話我，都係那種要捱，但係又幾錫身0既人.....而家每朝都會拎個蘋果返工食，正所謂﹕「一日一蘋果，醫生遠離我」嘛！就算飲咖啡，都會飲有糖有奶那種，因為齌咖會傷身的！不過，我lunch/tea係好想同大家見面的！

    近期除了忙功課，還有開會，仲有睇“極品廣告展”，這幾年都有keep住去睇廣告的習慣，因為近學校，而且，每一年的廣告都會有些小驚喜的，也可以說是靈感的來源！但係亦都會發現一些香港廣告抄外國廣告。就以“益力多”這個吧，記得有一個益力多的廣告是要選跑步選手，最後主角當了啦啦隊，幫同學仔打氣，仲跑贏埋個同學仔嘛？0個個同學仔仲同主角講0左句“你好犀利呀！”....我看罷才知 ....橋是抄外國的一個廣告，不過跑道上跑贏的不是啦啦隊，而是一個cam-man。不過也沒所謂吧，香港....都是一貫“抄來抄去”的，只要好看就好了，之但係，抄了之後會有d新0野會好一點。

    世界廣告，好睇。很佩服廣告人每一年的嘔心瀝血的作品。記得看到一輯IKEA的外國廣告，新傢俬初來埗到，嚇怕了其他舊傢俬。就是這種看了會令人會心微笑，甚至於大笑的廣告，最緊要的，當然係知賣緊乜廣告啦！另一個要講的廣告，就是日本廣告了，今年的“牛”廣告特別多，都有兩三個，有一個係將“牛”當主角，然後再配音呢！關“牛”事的，當然係賣“牛奶”啦！

    沒錯了，我就是想做一些令人會心微笑的，令自己有滿足感的作品來。

    星期日，剛才經過了銅鑼灣，還以為皇后像廣場一帶，學校沿途到金鐘地鐵站才會多菲傭，點知....銅鑼灣....都係，真係有d驚！  同埋，我發現菲傭多得0黎，都有幾多係lesbian！不過你又諗深一層，菲傭長期在香港，女多男少，而且大家生理同心理都需要有個伴的嘛，點會唔多lesbian呢！

    《愛情智商》上次講過我的“核心價值觀”之後，今次講到我要搵一d同我“核心價值觀”相近的人做對象。哈哈，原來，我個核心價值觀係咁0既....

    好喇，做埋個proposal先喇，之後仲要build model....要俾個精神的樣子來呀！

    夜晚臨走時接到producer的來電，今個星期開會改在明晚九點三！ 一早已通知她要星期三才行嘛，又說太遲！！咁夜，嘈完都是不能改變！個main point係，話就話九點三開始，之但係唔一定會準時開始，又唔知幾時開完會喎！呀，媽咪呀！！ 但願會能早d開，大家準時，早點有共識！！

    mouse突然之間冇反應，做主人0既我當然擔心死！  <--- 原來係因為用0左三個幾月，冇電呢！

    會開過了，今日係1129，結果係尋晚十二點幾才回家，之後又繼續返工返學，而且仲要勁忙勁多0野做！一下子上完visual effects之後便回家去，尋晚cgi2間房仲要唔俾我入去喎....><"....今日累得要架著好耐冇戴的黑框眼鏡，看來這一年，戴眼鏡的機會....何其多！