終於都明白有一個健康的體魄的重要性，這幾天，活得很開心、愉快。

        大病初癒，我有胃口食東西了，吸收力驚人，一日三餐，一定要準時食，如果唔係就會餓會頭暈，只係吃藥之後，常感到口渴，所以一日會飲好多好多水……都係好事，飲得水多，健康呀

        除了胃口好了之外，我心情都相當愉快，所以做事得心應手，而且……我回復本性，相當佻皮，又難得公司入面有些同事好玩得，要用腦回答，如果唔係，就會好似intern同學咁俾人寸倒……先講今日吧！馬會的AV部同事大伙兒到澳門去，所以公司剩下的，只有intern和Audio的同事，所以工作量唔多，反而遊玩量極多/高。LUNCH出了去跟Audio同事和Oonagh, 大師兄去食粥，之後……係去了行298……我買了個Microsoft的無線notebook mouse，真係冇線的，可以日日拎住出街，去到邊、用到邊喇！  結果，加上外面下著雨，三點才返公司開工呀！

        而且，今日又有開心事，我又有VO做喇，仲有Oonagh親自教路，各位，請得閒就去投注站看Channel JC了，可能會聽到我把聲的！但由於我『支氣管炎』還未完全康復，我唔夠“氣”呀，有喘氣的跡象呢！

        昨天，我放工之後，上了intern同事Sharon媽媽開的“南山堂”，這是一家做足底按摩的上樓舖，因為想健康一點，所以我想去一試，我從來未試過問一個幫我做足底按摩的人，腳底痛的位置是屬於甚麼位置，她不但一一答到我的問題，而且我雙腳真的反映了我的健康狀況，感冒未清，支氣管有事……她更好像醫師般，打一些比喻告知我的健康有幾無價……仲開埋“藥方”---涼茶叫我返去定時飲，調理身體，排走自己身上入面的垃圾！

        最記得係我講俾auntie知我的生活同身體狀況時，她不斷在搖頭嘆息……仲話我知，我長期的好似現在般日夜顛倒，會好傷“肝”，所以，tvb這份parttime，我只會做三年！

        是時候去睡，去過我積極的人生！