掉下了半個月，我才有時間再上《琪牛．網上．日記》，與此同時，我要說聲，“我復活喇！”......

    馬會份實習完結了，仲請了我當parttime，人工仲....哈哈哈哈 ！至於TVB，我又續多一年約，兩份parttime一齊做，仲有返學，這一年，就是這樣渡過的吧！在此，我要講多次，返完一份工又一份工真係好辛苦！而且仲要連續返五天半，千祈唔好試呀！

    重生的第一天，當然是怒訓，亦為新一年買多了一部電腦......是獎勵自己也好，是為了來年的畢業作品都好，總之，迎接這部新玩具的來臨，我一定要執屋！

    今回日記，想先講講梨木樹邨七歲男童岑浩賢被斬傷的案件，只是發生了一星期，兇手就落網，竟然是男童繼母所為，因為男女感情糾紛而找黑社會人士去斬傷該名七歲男童，企圖要令男童殘廢……最離奇係，案發第二日，男童的父母接受電台訪問，態度異常冷靜，這一代的父母真係不得了！

    另一方面，梨木樹邨的居民都紛紛為男童籌款，初時我想，為什麼要跟男童籌款？他既無大礙，行得走得，仲有得跟偶像見面.....陳慧琳呀，相信他的父母咁多年都未試過近距離同陳慧琳接觸(我屋企人話)；亦相信，劉華返港後，會抽時間來探岑浩賢。

    因為忙著上班，又爛玩，我冇乜時間看報紙，我今天才知道，男童的父親只是27歲；男童的母親今年24歲，而繼母，就只是20歲，換句話說，岑浩賢出世時母親就只有17歲……

    上星期六，因為貪圖享受，一家人上了利用24小時通關的落馬洲過關，到皇崗的按摩院，本打算順便過一晚夜，但我實在對大陸人太不滿了，於是一行5人，做完按摩之後就返香港，而且只是早上六時！

    不滿在於，我們到K房唱K，都會有畫位編房啦，可是這家按摩院，人就照入，冇房就大家堆在大堂等……而由於按摩這行在大陸有所氾濫，她們的手勢都比較求其……而且一part一個按摩師，每做完一part之後，按摩師都要客人簽小費……小費這回事，你服務得好，我就俾得開心，但係唔好，就真係好唔想俾的 ！我跟阿玲一間房，給每一個按摩師的小費都唔多，但遭到一個二個按摩師的“黑面”！大佬呀！！中國人就是如此的……我以後都不會到皇崗口岸按摩去！！

    先講咁多，下次會有朋友篇~