今日個書包好重呀~又拎左隻簽名碟俾阿玉睇...返到學校又熱喎~好彩我個課室係1樓...ka..ka..

係課室到,我想'珊'返門,點知個鎖凸左出黎,'珊'唔到~搞到出面D熱既空氣入哂班房~上普通話個時,我地要上去306到上堂~個班房凍到呀''小息之後上中文,又係306到上=.=|||

係上普通話個時就開始落雨lu~我冇帶傘!!!

1點幾就放學啦~我成個禮拜都放早呀~ka..ka..走個時已經冇雨落啦~上左巴士,我同琪琪就係到話D F.1好kai呀,講到琪琪落車~返到屋企就係到食飯,上網~

聽日同+0出旺角買野呀~

今日開始返學lu~我同+0,+2,ar c,so ann,肥肥,琪琪一班~我地一開始就上禮堂,要做始業崇拜~好鬼死悶同好眼訓呀!!阿sir開始講每班既班房係邊,我地聽到4c係103,原本係要走黎走去上堂,依家學校將教員休息堂改左做4c既班房~

我地個班主任係新黎既,教我地商業~佢係到派哂D簿同埋講埋D野,就放學啦~我地放個係就到11點,我落左荃灣行街,順便等珊,珊佢12點到就放啦~我去三聯行,睇下有冇書買~等到珊黎,我地去KFC食飯,我地仲見到栗子添~

之後我去左珊屋企~跟住珊要落去拎返本yes,咁我就返屋企換衫,我去到M記,見到珊同傅超~之後我地去借左隻演唱會黎睇~傅超返屋企訓覺,我就去珊屋企睇啦~我一路睇一路幫珊包書~包完我就返屋企,順便還埋隻碟,返到屋企就沖涼上網~

今日9點幾就起身lu~之後上網搵片,睇文~

去到6點就係到上網睇電視啦~唔知點解今日睇得好順呀~唔知係唔係今日係暑期最後一日,所以睇得咁順~

8點幾,去睇一篇文,個作者話會係暑期完之前post哂,所以我去睇個結局啦~

睇完就上黎打日記lu~

聽日要返學lu~好唔舍得依個暑期既離去呀!!!聽朝要早起,所以...我去訓覺啦~

今日9點就起身啦~之後開電話,見到有短訊,原來話有人留言俾我~係+0留言俾我,話今日唔去得,實際原因我唔記得左啦~咁我之後就去左上網,上到10點,我打俾肥肥,佢唔記得左今日去睇戲~我就話算啦~

去買飯個時,我去埋銀行拎返張卡~食完就係到做暑期作業,1點幾,珊sd短訊問我係邊,咁我話俾屋企~我又問佢係邊,佢話係city...我同佢講出去搵佢,佢問點解,我話買返隻碟俾你~

出到去,我首先去左碟鋪,見到貴左幾蚊,咁我就冇買俾珊啦~我出碟鋪就見到珊啦~佢約左so ann,+2,阿c同埋琪琪去so ann樓下會所打球,我地去千色店再去返city搵so ann~之後我地等埋+2同阿c就去啟明買書啦~買完去7仔買野飲,順便等埋琪琪,等到3點幾,琪琪到啦~我地又係到等車黎,我地搭穿梭巴士去so ann個到~so ann話4點先有車,咁我就去睇下個牌啦~原來3點40都有車,我真係俾so ann激死呀!!!

我地訂左4點既場,我地去打壁球,我都好奈未打過壁球lu~我打左一陣就冇打啦...我同珊叫so ann訂乒乓波打,但佢話6至7先有場,我地話是但~去到6點,我同so ann,珊去'羅'場先~之後佢就上到黎啦~

6點幾我就出去打電話,點知收唔到,咁我就返入去問so ann借電話打,我打返屋企話唔返黎食~7點幾,我地終於走啦~之後我地去左買野食,珊叫我去佢屋企食飯,我話好,我打電話俾珊媽媽,話俾佢聽我上去佢屋企食飯~

我同珊去搭小巴落返荃灣再轉小巴返珊屋企~我係珊屋企食完飯就返屋企~返到屋企就沖涼上網!!!

今日9點幾就起身啦~之後打俾珊同佢傾電話,過左冇幾奈,我打俾+0問佢今日幾點出去睇戲,佢話俾我聽我係聽日先去睇戲~之前珊話想去唱K,咁我問佢係唔係去唱K...佢話去,咁我打埋俾傅超問下佢去唔去,點知佢都未起身~咁我地就兩個人去啦~珊又唔肯定去唔去得喎~去到12點幾,佢話睇埋電視就出去!!!

我地出到都1點半到,我地由1點半唱到4點,之後我話想影貼紙相,咁我地就去南豐影啦~去之前,我地去搵珊媽媽,因為珊要去換体育衫同買書,咁我地就好快影完就走啦~跟住就去買野啦...買完去食野,食完搭的士返屋企啦,我倍佢地去買野,幫佢地拎野返屋企,因為我要上珊屋企剃手毛呀~

7點幾,我返到屋企,就去沖涼食飯~

聽日同+0,肥肥去睇死亡筆記,聽日好似係最後一日可以睇~