琴日去左學校幫手啊!係梁生叫我去幫手架,
不過其實就算唔係梁生叫我都會去.
因為我前兩日見到佢攞住佢地既分工表,
琴日係學校俾幼稚園學生黎參觀既日子!
俾我體到佢係負責o係地下廣場2點至2:30架!
所以,我琴日差唔多兩點就翻到學校!
一入到內廣場,就見到佢好忙咁擺緊野.
但係百忙中見到我,我好高興佢終於有一次同我打眼色.
之後,終於有幼稚園既細路黎玩遊戲啦!
坐o係隔離既我,不斷望住佢同班小朋友玩,聽住佢同班小朋友講野.
過左一陣,小朋友多左,佢終於叫我去幫佢手啦!
之後,又多左幾個女仔黎,佢同蔡sir又叫左佢地幫手,
雖然同我好似無咩關係,但係...我竟然吃起醋上黎...
時間過得好快,到2:30啦...
佢話要慰勞我地,又做翻佢一貫既作風,請我地飲野.
其實黎之前我專登買左兩罐蒸餾水,想俾佢飲架!
知道佢要請我地,我就假扮我樽蒸餾水開唔到,
叫佢幫我手開,等到佢開完,我就話樽野俾佢,
我飲佢請既果汁就得.結果佢都接受左!之後佢仲成隻飲曬!
真係未試過咁開心架!!
後尾佢入左教員室就無再出黎,可能佢去左開會,一路體佢唔到...
之後我就走去圖書館,希望去幫手,借d咦留低...
周不時就去1梯體下佢架車o係唔o係度.好彩佢一路都無走度.
話咁快又快到4點啦!落黎1樓果陣咁o岩見到朱校長.
同佢傾傾下,突然間有種想做老師既念頭..
如果10年後我真係翻黎做老師,到時「佢」都37歲啦!
唔知佢仲會唔會o係果度教呢?
4點啦,成班老師聚集o係一樓,當然都包括佢.
雖然有d老師我唔識,但係都同佢地有傾有笑.
之後活動真係完左,我趁機走過去同佢傾計,
到左樓下教員室門口,我仲叫佢俾我影翻一張相.
結果都影得幾好!至於幾好到咩程度,你地自己想啦!
我琴晚同今焦都不停望住張相啊!!
之後,我專登走入去教員室扮好似要叫「糯米慈」影相.
但係佢唔肯,咁我就更加有機會留o係教員室,扮纏住佢阿嘛!!
我仲不斷插「糯米慈」同佢既話添!好彩佢地無咩所謂!
唔係一定趕我走!!
過左一陣,我有新發現!
我見o者哩台上有份校園報,d相好~熟口面.
於是我好奇心走過去一體,原來係我地校園小記者出既校報啊!!!!
我走過去問陳生,佢叫我坐低體,仲話希望我升中繼續o係呢方面發展.
不過我就話好辛苦,佢就話唔辛苦又點會有兒家既成果.
咁又係...我...兒家考慮緊...
有小小唔開心既就係,旅行日果版有五張相,三張係我影既,但係攝影者竟然無我名...
o係我體份報紙既時候,佢突然走埋黎,攞住佢部專業相機,話輪到我影翻張.
我即刻攞住份報紙遮住,話唔得!
但係佢同陳生就話可以攞住份報紙合照,
我想落覺得ok,所以就影左.
終於要走啦,我由後門走,因為佢都差唔多走啦,我知道佢要楂佢架車又後門走.
因為度門好大,好重,好難開.我唔係幾開到.
糯米慈出左黎,笑笑口問我:「你搞咩啊?」
我話:「開唔到」.
咁o岩,佢又出左黎!佢問我有無禁綠色果粒製,之後仲走過黎幫我開.
啊...琴日系我咁耐以黎最開心既一日啊!!!!!
仲有就係我聽到佢話咩24號要翻學校..
我一定會黎學校體下!
不過...其實我開始有d驚...
我驚我會越黎越放唔低佢...
我驚到時我走既時候會唔捨得...
就算我已經同自己講過好多次唔好再理佢唔好再鐘意佢,
但係我依然都係咁...
希望結果我可以好似阿魚咁講,
過多一陣就對佢無感覺架啦...
|
