自從上幾個禮拜開始,心情成日都好差..

其實我知點解架,但係真係唔講得...

總之都係關於佢...

就算梁生問到,我都講唔出口...

好想憎佢...討厭佢,但係都係忍唔住鐘意佢.

或者..畢業禮既時候我會喊,但係..我唔希望俾佢見到.

呢排數學真係差左好多,佢就話我憎佢,話我鐘意左梁sir...

雖然我知佢係講笑,但係我都係覺得好....唔知點講....總之就係笑唔出..

我覺得我自己好乞人憎啊..我唔想再成日煩住佢同梁生啦...

聽到梁生話我三次報分試平均分得一科入三甲,真係好失望...

中文剩係差零點零幾分就得第三,出奇既係我今次唔會覺得激氣,而只有失望.

或者係因為我o係佢教既數學攞全級第一,打敗左「數學大王」鄭城堡...

到時好大機會會同佢合照,不過..到時我應該點面對佢..我唔知...

至於英文,一直都知無機會架啦,加上最後一次又由第3跌到第14, 更加唔駛講..

好彩仲有平均分全級排第二,咁我先至唔會太傷心...!

眨下眼,又過左一個月,好快就要到畢業...

既期待,又唔希望咁快到果日....有邊個明白我而家既感受...

《第二屆電視劇風雲榜頒獎禮》已經完滿結束,

阿峰o係頒獎禮奪得「2005年度港台最具潛質新人獎」！

恭喜曬!