今日去見阿frank(我fyp 的tutor，一個母語係普通話，極力用廣東話同學生溝通的老師)，佢見到我之後就同我講左句:[ 啊~~amy，好色0個個.....] 我心諗:[ 下?!我好色咁大ge秘密，你都知?!] 胡思亂想之際, 佢繼續講:[ 你識好多野ga......]啊~~原來係好識....... 嚇得我ar。

昨天去了高院聽court，一來我同情個被告(細我一年，因攜帶危險藥品而被判監4年10個月)，但係我又覺得佢好蠢，點解?因為佢自己都儲左$100000諗住開運輸公司la，但係又為左$500去幫人帶毒品，我唔知呢個係咪佢ge求情籍口，但我都覺得佢好蠢。由細到大，屋企人都教我要識為將來打算，千祈唔好因小失大。

聽完court 去了食飯and傾功課，途經婚紗街，一眾女同學開始旁若無人地大講結婚大計，好好笑~~

今日參加了俊傑和幼華的婚禮，場面很溫馨、很感人。我們愛，因為神先愛我們。

下星期忙到連抖氣的時間都無。 真係東家唔打打西家，今日坐響帝庭軒到等個仔落0黎補習，突然間坐我對面個太太突然間問我係咪補習miss，跟住我就答係啦，又問我同唔同小學生補習wo，原本以為只係d太太吹下水咁，點不知佢又同我講話想叫我幫佢個仔補習wo，我都好有禮貌咁同佢講我好忙好多學生，真係唔知可唔可以就到時間.......我之後補習後，佢打電話搵我就firm左下下個星期ge時間。唉......我的補習就像匯豐控股，上星期階段性調節後，本星期回復高位...... 下星期五、六、日會去會展做傳譯員, 嘿嘿~個人工唔錯。 今日收到早前一份translate freelance的糧，請阿媽食飯。 我要快d搵夠五十萬!!!!!!!!!!!!!!!

今晚本來要補習補到9:30pm ga，不過個仔突然取消。

本來想同阿媽食下飯，但係辯論隊班細ge叫我今晚去做評判，重踏cityu的門口，心中的緊張不下當年第一次穿上套裝去參加比賽，我記得第一場都係polyu 對cityu。今年轉了國際賽的形式，所以需要一些有比賽經驗的辯論員做評判。第一次做，寶刀未老，仲可以一邊jot notes，一邊聽。

見到polyu的辯論員真的很有心，縱然沒有其他人的幫忙，他們也撐起了自己的一片天。i really admire you guys and gals~^^~