今日我同Ｄ同學一齊去買

燒烤嘅野。第一站，

我地就去佳寶。到咗果度，

我地就去攞貨品。shirley攞咗

Ｄ牛肉丸，獅子狗。

我就攞蜜糖同埋一袋炭，

其他人就挾豬扒等，

最後就去攞汽水。

埋單要俾259.8牙!!!

走果陣發覺仲有串燒同

埋燒烤網未買，所以就去百佳。

到咗百佳，我地再買多

Ｄ丸(唔係丸仔牙),順便買

埋鐵挾同埋rubbermaid

嘅冰。我地仲買咗jolly

shandy飲。百住Ｄ野

好貴牙，買少少野就

差唔多一百幾十蚊啦!

出咗百佳，我地馬上飲

jolly shandy，飲落去有

少少酒味。飲咗一陣，

samson同埋少部份人

塊面紅咗,samson就話

飲Ｄ水就冇咁紅，果然有效!

之後去咗M記食野，我食咗個

漢堡飽，其他人就買餐。

我食完就走人啦，因為我驚Ｄ

野會解唒凍。番到屋企之

後睇小說，睇到一半，ben打電話黎

問我gary係唔係我燒烤果組，

我話係，跟住佢就問我gary

喺M記幾時走，我話唔知。

我問佢點解咁問，

原來gary牙媽打電話俾

佢搵仔，話個仔好

奈都未番，想知道佢去咗邊喎。

就係咁多啦，88!

今日好忙牙!朝頭早我

仲訓緊覺,無啦啦牙媽

話俾牙爸聽,今日家長日

唔駛番學,諗住去同牙媽

一齊見老師,點知牙爸要

我去政府合署搞身分證,

搞到佢要我好快咁食完早餐,

就要換衫去換身分證。

去到車站,啱啱班33A

巴士走咗,又要等到7:50先上車。

到咗辦事處,果度有成20-30人,

我就係最尾嘅人。

跟住到我去辦證嘅時候,

果個人要我打手指模,

但係佢諸多要求,又要隻手指

擺黎擺去,成1分鐘先搞掂。

最後要去見主任,

攞埋張臨時身分證

(行街紙)先走得。呢個時候,

我睇下手錶,發覺原來

仲未夠9:50,就拿拿林同

牙爸去巴士站等車。

落咗站,番到屋企

已經9:50,而今日係家長

日,老師接見嘅時間就

黎夠鐘,於是就即

刻換校服,跑去學校。

到咗之後好彩

仲未到我見老師,

真係嚇死我啦!

枉我跑到索唒氣!!

PS:呢篇日誌

係我喺學校

電腦室打嘅。

PPS:我仲有好

多功課未做,慘...

今日好忙牙!!!