Sorry!我好耐冇上過黎啦!

鬼咩,咁多功課,

做唒都唔夠時間開電腦,

就算開到,牙爸又唔俾

打blog,好悶牙!禮拜2

去咗借圖書,3日就睇唒

2本小說,你話變唔變態牙!

冇辦法啦,都冇野做...

唔講住啦,88!

PS:我係冒住俾牙爸

打嘅危險開電腦,

俾佢知道就死梗嫁啦!

今日4至6年級旅行,好開心。

我晨咁早返到學校,

等咗好耐,架旅遊巴先黎,

企到腳斷啦!!到咗大帽山

燒烤場,就馬上同燒

烤組員會合。我原本諗住

其他組員過一陣就到,

點知等黎等去都未到,

就自己燒住先,但係D燒烤叉

同埋大部份食物又喺唒佢

地果度,唯有用鐵挾

挾住黎燒。過咗一陣,

其他組員終於黎啦,就

即刻叫佢地攞D野食出黎。

燒咗大約45分鐘,

有D同學唔燒住,

喺度食薯片,食食下唔小

心跌咗一塊落個爐度,

睇住塊薯片慢慢燒成灰燼,

覺得好好玩,於是就係咁

放落去燒,變成正宗燒

烤味薯片,哈哈!燒多一陣,

其他人見無聊,就攞住碌樹

枝黎撩炭,咁啱samson

企喺碌有火嘅樹枝隔離,

就俾碌樹枝燒燶咗隻鞋

嘅一小部份。跟住燒棉花糖,

又有一個人跌咗一舊落去。

呢次唔係變灰,係變塔牙!!!

舊棉花糖一直向上膨脹,

然後就爆...好核突牙!!!

燒完、清潔完、玩完就走啦!

我好唔想走牙...