~Merry Chirstmas~

祝大家聖誕快樂!

唔知你地最想收到嘅聖誕禮物係咩呢?

我就想要一部walkman音樂手機啦,

可惜只係幻想...尋晚Joey打俾我,

問我今晚可唔可以同佢一齊去星光大道玩,

不過牙媽唔俾我出夜街,所以推咗佢。

今年係最後同同學相處嘅日子,

同時都係最後嘅6年級聖誕節,

但係唔可以同同學一齊,始終有D可惜。

牙媽真係太殘忍啦,連聖誕節都唔俾我同同學一齊過,TT~

今日係教育營最後一日啦!

好唔捨得~起身之後就去梳洗,

跟住又係講座,無奈...

聽完講座就去食飯。

食之前,因為連日黎蹏講座

都有玩遊戲嘅時間,而且仲計分,

班班D分數積聚落去,

就得知名次,結果我地

A班就係----第一名!

有糖食,好野~!

唔知解今日D餸特別好味,

應該唔捨得掛!

走之前去咗公園影相,

跟住去收拾行李,落到操場等車,

最後走人。宿營咁好玩,

仲有下次嘅話,一定支持。

不過最後一年啦,唔知仲有冇

機再同同學一起去呢???