今朝起身有D涼,我都有D凍~~著返件衫先~~~

今朝明明要排隊~~但係坐到上堂先知唔洗排,唉,上音樂堂考試啦!!!好驚呀!!!

結果都唔係好識,合格算偷笑啦~~~

小息過後~~右上中文堂LU~~      MISS CHAN有D唔係幾舒服,所以叫我地讀下書,溫下習,都算上得幾舒服.

死人彭敬賢同謝國威係咁係我本書到畫公仔~~有咁樣衰得咁樣衰!!!

跟住就測幾何啦~~今次起碼過3分2人唔合格...成班死曬~~ 好彩我幾何叻~~冇我份...呵呵!

次次做親幾何用既方法同人地都唔同既...咁怪既...

中午食飯食M記~~好貴呢...咁就冇左三十大洋啦

MISS HA真係辛苦~~日日中午都返泥幫我地溫習,講到口水都乾埋都照講...真係偉大

今次死火...依家全班個個都知我死穴係THOMAS(火車頭)...我真係超驚呢隻咁既野

佢真係好樣衰呀~~我細個睇親佢就喊嫁啦...到左依家個陰影仲係到...

死人彭敬賢仲衰~~上堂畫左7部THOMAS...樣衰過原版9倍....吓到我大嗌~~搞到MISS都俾我吓親

死啦!!!唔通我一生人都要活係THOMAS既陰影底下????!!!!