琴日係聖誕節,但係相比起前日平安夜,少人好多,我都唔明-明明琴日先係聖誕節,

但係點解D人個個都揀係平安夜慶祝聖誕節嫁?!趕住失身??...講下笑姐...

好!講返琴日做過D咩先,下午2點鐘去左打波,打到四點鐘,,打波期間得知豬兜倫冇約人,

就約去夜晚去睇戲,兩個男人去睇戲,好似有點基情咁...= =,,8點同呀倫去食野,食完野買D野食,

就入場睇戲啦!!....呢套戲俾我既感覺就係~~真係好好睇...好正,兼且好有教育意義,

點解,睇埋落去啦!!套戲當中所做出泥既世界觀十分之廣闊!!簡直就係一個新世界,

當中既花草樹木亦十分之令,當中既動物亦好有特色,完全唔覺得係刻意做出泥,好自然,

動作都好流暢,可想然之製作團隊幾咁認直,講到NAVI人..得覺得佢地最令係佢地隻眼,

尢其是公主隻眼,真係好令~~,講完畫面,講劇情啦!..其實劇情都係好單純既人類侵略NAVI既地方,

話就話好普通,但係當中所帶出泥既信息係好深奧~NAVI人覺得世界上所有野都係由偉大既艾華女神所賜,

所需要既能量,最後都要歸還..佢地唔會胡亂殺生,但逼不得已要殺死動物既時候,例如打獵,

都會為死左既動物祈禱,佢地尊重大自然,敬畏大自然,認為佢地有既野,都唔係必然,係上天賜予既,

佢地呢種知足,感恩既價值觀,好似我地地球既非洲土著,我地成日笑D非洲人傻下傻下,

咩都靠神,靠神都冇野食,但係唔係我地呢D自以為是既地球人,不斷咁破壞我地既母親(地球),

點會搞成咁?!...我覺得NAVI哥種尊敬大自然,敬畏大地既品格,係好值得我地學習,

劇中男女主角成日講既一句對白"I SEE YOU"亦好有意思...當中包含既意思,不止係"我看見你"咁簡單..

呢套咁好睇咁有意義既戲真係好值得睇...希望大家得閒會去睇,真係好正!!