聖誕節~大家心中有聖誕老人,禮物,溫暖同開心...但係我既聖誕節,就得我自己一個人..
人人每年都期待住聖誕節既來臨,諗去邊到玩,諗買咩禮物,諗同邊個過...但係我就.....
今年既聖誕節~我依然係自己一個人過,就算有人約,都唔係我想見既人,究竟我想點?!
自從係上一年識到佢,我就鐘意左佢,一直都唔敢放膽去追,自問冇咩野可以令到我怕,
一向堅強既我係感情方面就好似一個懦夫,朋友同我講:怕咩呀!想追就去啦-唔追就冇嫁啦.
個個都咁同我講,但係我真係好驚...我驚會失去左呢個對我咁重要既人呀!
升上高一,同佢見面次數少左好多,本來以為可以忘記佢,識返個女仔泥拍拖,
但係每次覺得有好感既女仔,都係同佢好相似,我自己成日都諗點解會咁,
其實根本就係佢既代替品,每次開心想笑既時候,都想同佢分享,都想send個信息俾佢知,
可惜都冇咁做到,覺得自己好冇用...同我熟既人都知道,我鐘意帶眼鏡,短頭髮既女仔,
我鐘意d咁既女仔,都係因為佢都係帶眼鏡,短頭髮...雖然佢依家留返長...
本來諗住可以對佢淡忘,但係上天好似想玩我咁,右俾左成日我同佢相處,
上個星期日-我有份去珠海慶回歸,我地學校有40名學生,當我知到佢都有份去哥時,
不期然咁覺得開心,不過去既途中我地唔係同一駕旅遊巴,去到海泉灣玩既時侯,
起初都係同自己班既人玩,行下行下,見到佢同幾個朋友係到玩船仔,望住佢咁狼狽個樣真係覺得好好笑,
當佢玩完既時候,佢叫我同佢地一齊玩,玩左1個幾鐘,佢d朋友想玩過山車,得返我同佢,
周圍去,玩鬼屋哥時,佢驚到攬住我隻手,真係想佢永遠都唔放手,
到到玩驚流,我同佢都濕曬,望住佢個樣真係好搞笑,好可愛,6點幾有個文藝晚會,
本來我都係坐係普通學生既位到,但係ping姐同我講,有兩個學生代表席空缺,
仲叫我搵多個人同我一齊坐,我叫左佢同我一齊坐,佢都好開心咁答應左,
成個晚會,佢好聚精匯神咁睇演,好少有機會俾我望住佢咁耐,
晚會結束哥時,大會安排左一輪煙花表演,未試過咁近睇煙花,好令呀!隔離哥個仲要係我鐘意既人~
我覺得場煙花好似為左我地兩個放咁,真係好開心...
咁美好既一日理應係好開心..但係原本已經淡忘左佢既我右再一次愛上佢,
究竟上天係想俾機會我,定係想玩我呢..我真係唔知到...
人人都知我係一個好鐘意紅色既人,但係充滿紅色既聖誕節我一d都唔鐘意,因為每年既呢一日我都好孤獨,
我究竟應唔應該同佢講我既心意呢?但係我真係好怕失去左佢...但係點都好,,祝佢聖誕快樂 |
