痴線故第四章(趁深夜無人睇先post)

續上回，因為我地估校長唔係學校，所以決定暫時收隊

而復仇心極重既狂戰士繼續去校長室搵校長

正當我同橡膠超人踏出學校門口之際

見到差唔多成層二樓既窗爆晒

肯定有料到，緊係返轉頭睇下(食下花下都好丫)

真係好似打機咁，校長係個校長室入面飲緊紅酒

係到等人「叉撚住」佢

校長：「終於有人搵到黎，仲諗住偷襲我，睇下係邊個先......咦！乜係八神同學你呀？病左就唔好返學啦，有需要既我可以幫你退學架∼」

有睇第一話既朋友就知一叫狂戰士做八神就會好嬲

即使已經進入獸化既佢，聽完呢番之後就只會更加狂暴化

依家既狂戰士，隻手除左好似打左成十幾廿年丁咁大隻之外

仲好似路飛二檔咁，紅得黎又有股氣

不過校長作為Boss既實力緊係遠勝過佢啦

所以佢不惜整爛間學校都要用多次係一輝果到抄落既必殺技......

鳳翼天翔！學校依家變廢墟都唔怕啦，反正已經成為左魔界既據點

就係咁，二樓又黎多次大爆炸

好彩唔影響我地兩個花生友

但係雄雄烈火之中，仍然可以見到狂戰士既身影

都唔知係佢仲有理智定一世負碌

狂戰士既力量竟然係黎自身邊既烈炎

依家既狂戰士有住隕石一樣既衝擊力

一野撞埋去校長到，可惜校長年事已高

根本黎唔切反應作出招架

比隻獸人狠狠一撞，由二樓前樓梯飛到後樓梯再爆埋牆碌落街

加埋都凌空飛左十幾米，仲嘔埋血添

校長做得Boss唔係咁廢掛？

果然無估錯到，校長真係會變身，動真格

由光頭撒亞人變身為撒旦化身

戰鬥力真係爆晒錶，我諗狂戰士真係出埋呢次場就可以收工

不過講體型仲係狂戰士大隻啲

校長變完身之後，一野整粒暗黑元氣彈比狂戰士嘆下

果個元氣彈真係唔簡單，打中左狂戰士之餘仲搞到成個足球場爛左

唔知係個暗黑元氣彈既顏色問定狂戰士黑暗化左

皮膚顏色又紅色變成慢慢變成紫色

唔通佢會好似初號機咁暴走？

如我所料，佢真係好似初號機咁，吼叫左一聲

然後一野衝埋去校長果到

乜野防禦網都比佢果個拳頭打爆左

仲打左佢幾十拳，不過當然係快速拳

直到校長爆出一股股烈風先可以將狂戰士彈開

到底初號機同撒旦化身打邊個會羸呢？

待續

 ㊣野一健★﹏☆說：

以咩前呀，你有病？你點解連我分身都要爆？

我說：

一係咁，唔好探討大家來歷住，今日幾多號？

㊣野一健★﹏☆說：

10月19日囉.....

我說：

同一日，但年份呢= =

㊣野一健★﹏☆說：

今日係2011年10月19日19:32分18秒，星期三，陰天，夠詳細未呀？你唔好阻我玩夢之啦，快啲話我知你係邊個！

我說：

唔洗咁燥......我知你掛緊死地，雖然你未必信，我係3年後既你......

㊣野一健★﹏☆說：

未來撚？整個六合彩number過我知等你發達是常識吧∼

我說：

我一向無睇電視你應該知......

㊣野一健★﹏☆說：

咁又係，但你有冇D未來得意野話我知呀？

我說：

你讀完中六咪出左黎做野囉，咁夠唔夠先知？

㊣野一健★﹏☆說：

正，咩工？希望唔好衰左做快餐店，跟車都好丫！

我說：

編輯囉= =

㊣野一健★﹏☆說：

好波，總算唔洗特登去溫書，打多D機等自己將來冇咁廢仲好∼

我說：

我以前一向都唔溫書架啦......依家打機咪又係咁廢......

就係咁，我地，丫唔係，應該話我派左成接近四個鐘膠，希望聽日都可以同以前既自己做下先知，或者當傾下心事都好......

結果我第二日一收工返到屋企第一件事就係繼續ON果個比我破解過既Skype，當然繼續同以前既自己吹下水啦∼

我說：

哈哈，我又黎啦，我琴晚提過收工返到屋企先上到呢個MSN架，其實我有件事想拜託你架∼

㊣野一健★﹏☆說：

我知，你想搵返我呢個MSN入面add過既e-mail嘛.

我說：

咦，雖然你係我，但你係過去應該唔會同我諗既野一樣架喎......

待續。