先祝自己生日快樂......上回提要，我第二日收工即刻返去同「自己」繼續吹水
但我想拜託佢果陣，佢已經知道我諗緊咩......
我說：
哈哈，我又黎啦，我琴晚提過收工返到屋企先上到呢個MSN架，其實我有件事想拜託你架∼
㊣野一健★﹏☆說：
我知，你想搵返我呢個MSN入面add過既e-mail嘛.
我說：
咦，雖然你係我，但你係過去應該唔會同我諗既野一樣架喎......
恨魂(MSN改完名)說：
你都係想搵下有無女比你add姐嘛.
我說：
咦......你轉左msn名既......但根據我依家on緊既msn名，咁你睇咪撞左......
恨魂說：
唔會啵，因為我依家係skype黎，我發出既對話顯示都係「我」。
我說：
喂咪玩啦......我依家skype同以前msn就show呢住呢個網名姐......你應該on緊我正身MSN先岩架喎......
恨魂說：
我咪on緊你正身MSN囉，不過係skype破解版姐嘛，我依家呢個ac係有晒你以前網友既e-mail架.
我說：
大家都係自己黎，開心share啦......但話說我呢個MSN帳好似無轉到去微軟果邊.....理應用唔到skype架喎......
恨魂說：
你終於意識到呢一點.
我說：
但琴晚唔係傾得好地地咩......唔比咪算囉，反正你3年後都會做返同一樣野架啦......
恨魂說：
真係唔好意思啵，我就係3年後既你黎.
我說：
2017年∼呀！！！特首係咪仲係689？！
恨魂說：
關你乜事，扮晒關心政治咁款。
我說：
我都係醒起2017年有普選而好奇姐......對唔住囉，唔洗咁惡既......唔講咪唔講，我想知下姐......
恨魂說：
又唔見你第一件事關心下份工？同埋關心下依家有女未？
我說：
咁我想知啲大眾化啲既野嘛...點知呢啲你比唔比講......
恨魂說：
你呢3年黎都係比女飛，份工算係穩，不過仇家數量仲係同以前一樣有增無減。
我說：
都估到架啦......點都好啦，thx你先......我做野先啦，bye.(我怕「自己」又鬧我)
恨魂說：
又唔洗特登offline既，始終你都係我，岩岩我語氣重左，唔好意思，我都有件事想拜託你。
我說：
得，無問題，但我真係趕篇野先......唔off，OK就即刻叫你。(心諗：過左一晚就到另一邊變左未來，咁化學既......)
待續。 |
