今日終於比個傻妹知道左我每日既心底話

所以佢決定晚晚都入黎睇

搞到我都好緊張><

但我晚晚都係等個傻妹訓左先打

即係佢應該要第二朝先會睇到我心底話，哈哈∼

聽日就又同個傻妹見面啦

希望個傻妹見到我真面目唔會比我嚇親啦

但原來個傻妹除左係零食怪之外

真係好嘴刁，唔食芝士製品但食芝士，唔飲牛奶但肯食牛奶製品，仲有唔食士多啤梨製品又食士多啤梨

最後當然係唔食番茄不過又食番茄製品

希望我仲記得啦

唔記得都唔緊要，我都會記低佢

既然佢都會偷睇既話

打少啲字先XD

 今日個傻妹上VA堂做SBA搞到自己頭髮都有油粉彩，真係又比我笑佢∼

但估到傻妹又應承我話肯比我拖手，車，聽住先啦！

可能到星期日見到我個樣就反口，又傷心架啦∼

不過咁，原來個傻妹都蠢唔晒，整道具好叻架，佢肯幫我整鬼眼爸爸出黎

仲知我煩緊條眉既問題，借定支白色睫毛液比我用

證明佢真係好有我心，哄得我好開心，都好耐無試過有呢種感覺啦

雖然好想請個傻妹食啲好野，不過佢未病好，鼻塞完但咳緊

都係唔好請佢食糖同飲凍野啦，傳染比我事小，我都唔想佢辛苦嘛

最後好彩問埋個傻妹仲有咩唔食得，原來除左花生同杏仁之外

佢好多蔬菜都唔食，包括蕃茄、茄子、蘿蔔、青椒、南瓜，仲有苦瓜

下次見到呢啲幫佢食左佢先，廢事浪費食物呀，哈哈∼

雖然日日都打一篇，字數都不限，不過都係想睇下最後有幾多篇姐∼