上回提要，有三個唔知乜王話要一齊KO我，分明蝦我咁話......
滅靈王：「三對一的確幾唔公平既，如果你可以將兩個精神念動裝置交返比我地，我可以叫黑白兩道唔再狙擊你地。」
我：「哦，你係咪講我用黎變身果個波呀？比左你地既話我都無比人狙擊既價值啦！」
幻靈王：「死到臨頭仲咁臭串？」
邪帝：「唔好咁多說話啦，解決佢搶返黎仲好。」
我：「多多口水完都淨係識射妖氣，你地三個不如轉工做太監好過啦！」
幻靈王：「身手都幾好，但你一直見到既都只係我做出黎幻象分身......」
邪帝：「我已經將你地兩個既邪能集結好啦，趁機會再集結埋軍隊啦。」
我：「原來只係用分身黎拖時間，係我就唔話比你知我下一步做乜啦！」
滅靈王：「個傻仔係上空係咁自轉喎，幻滅軍團，快啲用人海戰術！」
邪帝：「開個位比我，我要將集結左咁耐既邪神幻滅彈發射啦！！！」
我：「你地班友食返自己果個唔知乜野彈啦！神雷禍卷碎！」
幻靈王：「下？竟然將個大爆彈反彈返黎？而且幻滅軍團都全滅..........」
果三個太監點都估唔到我自轉係為左用風同雷既力量整個反射盾出黎，不過果個龍卷風威力都唔細，將果堆機械人極速變成廢鐵......
邪帝：「不如合體啦！我負責頭，你地負責手腳，照舊！」
冥機神：「完壁合體！冥機神滅絕，見參。」
我：「唔係掛，三個太監合體會變機械人咁化學？不過我再用多次岩岩果招你地都係變廢鐵......」
大獲，原來岩岩果粒波令我受左內傷，依家再自轉多次就會比邪氣有機可乘，到時命都無......
冥機神：「細路，你好快就要去地獄啦，不如先比你體驗一下果到既火有幾熱啦！」
睇黎呢部廢鐵係用好強力既次元系統將冥界既火集中形成火球，我諗就算真係要反彈都唔得......
點知呢個時候，無啦啦身體有好強烈既感應，唔通Boss帶住個波返左黎？但都幫唔到我啲乜野啦，唉！
Boss：「喂！你地做乜叫得我急呀？依家又個個係到罰企！」
恨魂：「呢個波，睇黎我需要用上，你企我呢個位吧......」
Boss：「得啦，你快啲變身出戰啦。」
我：「唔通我要同自己合體變埋做機械人？」
恨魂：「我既記憶開始慢慢返黎啦，係用合體技......」
冥機神：「收波啦細路！」
恨魂：「精神念動MODE，開啟，連接亞空間門！」
我：「岩岩果個火球明明飛左埋黎......點解好似乜事都無發生咁既？」
恨魂：「再遲多幾秒我就玩完啦，好彩依家個火球飛左去亞空間到。」
冥機神：「哼，但你地其中一個中左邪氣，睇怕好快就無晒戰鬥力，唔好死撐啦。(再講呢兩個靈魂都會出現排斥，我拖時間都夠做)」
恨魂：「你收檔啦！次元連結系統！比你見識下咩叫一招秒BOSS！」
我：「(咦，唔通會好似志雷馬咁屈機？)只要依家呢兩個精神念動裝置撞埋一齊，咁你就玩完......」
冥機神：「唔係真係秒左我咁無癮嘛......Oh sh......」
估唔到場戰鬥就好似冥王計劃咁，好快就打完，或者邪不能勝正啦，不過我諗未來之旅應該告一段落啦掛......
星星頭：「原來只要兩個人一齊用合體技就可以解決晒果班友，早知係咁就唔洗走圍去啦。」
恨魂：「哼，原來咁簡單就令自己脫到險，點都好啦，過去既我，辛苦你啦。」
我：「唔洗客氣既......但我未來係咪真係又會比人追殺，然後又要搵過去既自己黎幫手咁架......」
駁線：「當然唔係，未來係點係由你決定，其實未來既你都有聯絡過3年後既你，當然啦，佢唔方便黎......好啦，你都係快啲返去你既時空啦，我都講靈魂會排斥。」
我：「但岩岩果個大爆炸，引黎好多警察，點算？」
第五勇者：「你洗咩替我地膽心！最多咪比佢地開槍打返幾槍咁大把！」
銀狐：「唔好講太多啦，都係走啦，如果唔係比佢地知道你係到仲麻煩。」
Boss：「為左安全起見，個波都係留係我地呢個年代到先啦。」
S：「傳送開始。」
就係咁，佢地一人一句之下，我返左黎了，唔知我再開返MSN果陣，又會唔會係以前個自己黎呢？
第一章完。 |
