續上回，第一場比賽開始左啦，槍佬對食人魔，勝利條件就係要令另一方死亡先算贏......真係替佢擔心。
SEN：「奧格斯一開波就追住玥風唔放，到底佢餓左幾多日呢？點解對食人咁有衝勁呢？」
玥風：「哼，估唔到條友真係比人餓左成個禮拜先放出黎，實驗品既野真係恐怖，不過要打死一個唔識思考既人又真係唔難既事。」
K：「佢上次食人果陣已經係一星期前，當奧格斯餓到極點既時候，力量會比佢食飽果陣高出10倍架，哈哈哈哈哈哈！」
玥風：「咁又點呀？我諗你無睇過巨人哥利亞個故仔啦，人地細細粒都贏到個巨人啦，力量唔係大晒架！兵工廠召喚！」
估唔到玥風唔係召喚槍出黎射佢，而係召喚一間好迷你既兵工廠，不過我諗個巨人一腳就可以踩爛佢.......好快無戲唱。
玥風：「未完架！追擊紋章鎖定心臟位置，迫擊炮兵一齊上，M61火神式機砲雙重召喚，對準目標開火！」
SEN：「精彩呀！相信經過完一輪密集式進攻之後，奧格斯個身一定變晒蜂巢咁呀！」
煙霧散開晒之後，地下有住無晒既彈殼......但奧格斯身上只有小量燒焦既痕跡......睇黎呢隻實驗品真係怪物黎。
玥風：「到底佢身體咩構造架......點解可以咁堅硬既......不過既然穿心唔得既話，一野燒你個頭啦！超級噴火器召喚！」
星仔：「係喎，我諗用火既話，幾堅硬既肉體都係會頂唔住既，睇黎好快分到勝負架啦！」
玥風：「唔好比佢有機會攻擊呀！擾亂兵做野啦！同一時間，超高熱火焰發射！追擊紋章變更為四肢！」
K：「無用架！就算你想用火燒佢個頭，佢都識自我復原，呢個巨人係我偷出黎既生化武器，點會咁易比你消滅呀，哈哈哈哈哈哈！」
玥風：「依家噴出黎既藍燄有攝氏30000度咁高，仲有唔好忘記我對條友落左追擊紋章，火會自動擴散去佢四肢到！你地都係等住輸第一場好過啦！」
估唔到咁樣燒法個巨人會變成火焰巨人咁，不過相信佢痛到跳跳扎咁應該好快就完第一場啦......
奧格斯：「唔該晒，無左個受詛咒既肉身，依家既精神同啲火融合左，我終於自由啦！」
玥風：「下！你識講野架咩？你唔係淨係識鳩叫咋咩？」
奧格斯：「其實我本來係一個巨人，但比美國佬捉左我去做實驗，之後果個死靚仔仲偷左我出黎，一直控制我，所以我要將受到痛苦完完整整咁還比你地！不過首先我會解決左眼前既人，再解決埋果班人！」
玥風：「講到尾，你只係一隻好巨型既火鬼黎，咁我做消防員就得啦，水柱巨砲發射！」
奧格斯：「我身上既火完完全全可以將你射過黎既水蒸發，你都係留返啲力啦細路。」
SEN：「哇，奧格斯唔止無受傷，仲可以一拳車埋去玥風到，不過呢下火拳應該痛到入心入肺啦！」
玥風：「好彩個兵工廠仲係到......有班滅火兵自動出左黎幫我救火，唔係我就變左燒豬啦......係啦，無氧既話，火都會熜，唯有咁做啦！」
SEN：「玥風突然一野彈上天，到底搞乜呢？不過奧格斯都將自己隻左手飛上天呀！睇黎想用火焰飛拳黎打佢喎！」
玥風：「鋼鐵捕獲罩張開！一定要整熜佢啲死人火！」
冥通：「丫，估唔到個死仔又幾聰明喎！」
一瞬間，戰場上就出現左個好似一個小型太空館既半圓，入面仲有堆滅火兵噴緊氣體，應該乜火都無晒架啦......
玥風：「喂！689，仲唔快啲數10秒？」
呢個時候，戰場突然下陷，啲石飛上去夾住玥風......
奧格斯：「10咩秒呀？我仲係到呀！少年，你太年輕啦，我無得做火焰巨人可以做石巨人架！終於到我逆轉大局！等我拉你入地下缺氧啦！」
星仔：「裁判呀！但其實個巨人變成火果刻係隻鬼，咪即係死左囉，點解唔計我地贏？」
SEN：「NoNoNo，就算係鬼，只要可以化成有型體咁戰鬥，都算參緊戰架。」
我：「唔係掛，咁呢個巨人咪即係打極都唔死？但槍佬又唔係道士，點樣打死隻鬼呀？」
玥風心想：可惡，連兵工廠都比佢捉住我果陣順手整爆左，依家我都就快比佢扯入地面，到時真係我變鬼啦......如果我可以召喚更多野就好啦。
呢個時候，玥風突然有光包圍住，到底最後第一場比賽係邊個得到勝利呢？
待續。
|
