上回講到搵完兩條友，依家就搵第五勇者，因為無聊想知下係乜黎。
點知今次無畫面，得聲，睇黎呢條友唔太簡單......不過都係諗定第一句講乜先。點知佢仲快過我講野！
第五勇者：「喂！你主動打黎就好啦！我返左三國，有入無出呀！」
我：「你勇者黎架嘛，雖然排第五，但我深信你可以得到主公既賞識既！」
第五勇者：「第五係複姓黎架！勇者係我個名，喂喂！睇黎你唔係本人啵！」
呢次死火，多口攞左佢個名黎講笑，今次大獲......
第五勇者：「不過從你既聲紋睇黎，你應該係失左憶，或者你係過去既佢都未定，如果係既你老實講我知啦......」
我：「勇者哥你真係聰明啦，我的確係2014年既人，其實我地個組織有幾多個同伴，你講比我知啦，方便搵佢地下落丫嘛」
第五勇者：「咪住，萬一你係扮既咁我咪好無雷氣？不過講一個你知都得，因為佢應該係驗劫左時空系統，你叫佢黎接我啦！」
我：「都好，我明白你係未必信晒我既，咁佢係邊個呀？」
第五勇者：「你都識用個波黎搵我啦，佢咪常用聯絡人名單入面除左我既人囉！」
我：「我就係唔知要搵個嘛，算啦，你都係玩你既三國志啦，我搵過第二個確認下落呀，拜∼」
第五勇者：「喂喂喂！唔好cut住！係S呀，我依家係219年既荊州呀！仲有呀！唔好得罪佢呀！」
我：「好，我就幫你搵佢，你努力生存住先啦，我依家就搵佢∼」
唔知個S係個點樣既人黎呢？不過算啦，計埋佢總算依家搵到3個，搵多2個就收工！
今次呢個S總算有畫面睇，不過差唔多全身都係黑色，果然係未來人，衣著好有Matrix既味道！
我：「第五勇者係219年既荊州到，你試下接返佢去2017年到啦。」
S：「嗯。」
我：「話說你依家情況安全架嘛？」
S：「嗯。」
我：「實不相瞞，其實我係2014年既人，依家既我情況係咪好危險？(睇你係咪仲係嗯我先......)」
S：「嗯。」
我：「(仲係又嗯又點頭，叫埋佢救我都好)咁你順便派埋支援救未來既我啦，麻煩晒∼」
S：「No。」
我：「(終於有第二個答案啦...)下，點解呀？」
S:「Hacker Not Fighter。」
我：「咁唔好意思囉，你救左果個玩緊三國志既人先啦下！」
都係快啲收線算，唔知佢幾時嗯到變左鬧我......
不過話咁快個波就第一次震，睇黎有信息，原來係玩三國志果條友，但睇畫面先知原來佢係半獸人黎，都唔知點解可以係三國生存到。
第五勇者留下了信息：幾經辛苦，終於返到黎啦，我依家開始相信你啦，你快啲搵Boss啦，佢可能返左民初都未定，哈哈！
聽從三國志半獸人既建議，我下一個就決定搵Boss，唔知佢又係一個點既人呢？
待續。
|
