| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2013 年 9 月 29 日 星期日  |
| 兩性溝通(二) |
分類: 作既野 |
假如今日你想成為一個約會吹水高手，
咁呢個係你必需既三大基本能力！
大家好，又係我風仁
續我琴日所討論既野
今日我要同大家分享既就係成為一個「約會吹水高手」必備既三大基本能力包含啲乜？
不過我琴日果篇文章提到話：當你同女仔傾計果陣，你地點樣傾往往比傾啲乜更加重要！
無錯，我個人有一個比喻
同女仔傾計就好似係煮飯咁
而話題就相當於材料
如果你想練得一身好廚藝
單單係有材料係唔夠既
你仲要識點樣去煮、點樣調味、點樣去帶出食物既鮮味
咁樣一黎你先先可以煮出一道色香味俱全既好送
同樣道理，當你同女仔傾計既時候
單單只係知道個女仔對乜話題感興趣都係唔夠既
更重要既係
你必須從一個「能力」既角度黎睇呢件事
咁又係咩意思呢？
好啦，我唔知你有無留意過
果啲好識同女仔講野既男仔
或者係我口中所謂既「約會吹水高手」
佢地之所以能夠同女仔有講有笑，你來我往
正正係因為佢地具備左某啲關鍵既能力
咁乜又係關鍵既能力呢？
我經過多年既觀察同研究
我認為成為一個約會吹水高手必備既三大基力係：
一：聆聽
二：發問
三：講故事
咁我就先由「聆聽」開始講解。。。
首先，我個人一向主張：
係你試圖講之前
你必須先學習去「聽」！
特別係當個女仔肯開口同你講野既時候
你最好擘大隻耳仔去聽
點解？因為你試諗下
傾計既本質係乜？
就係藉住言語溝通
黎達到了解同分享既目的
咁了解同分享又做到啲乜？
咪就係建立好感囉！
無錯，就好似我琴日所講：我地今日真正既目的
就係令個女仔對我地產生吸引同埋好感嘛！
而我個人睇法係
雖然個女仔開口同你講野，但未必代表人地鍾意你
不過最起碼你已經令佢對你產生初步既信任了！
問題係好多男仔最常犯既錯誤就在於
當佢地同女仔傾計果陣
佢地成日都只係掛住講自己既野
完全唔比個女仔有講野既機會
再唔係就係個女仔講緊野
佢地根本無認真去聽
甚至一直咁去插把嘴
希望將個焦點拉返落自己身上
呢個係一個非常嚴重既錯誤
點解？原因好簡單
試諗下如果今日係你遇到呢種人
唔理係男定女，條件幾好
一坐低就雞啄唔斷
口水多過茶咁
好似要急住咁去講啲乜咁
到當你想講野果陣
佢仲成日咁打斷你
你唔覺呢種人好乞人憎咩？
一定的，因為佢令你覺得無受到尊重
尊重係人與人之間互動既最基本原則
如果佢連呢種意識都無既話
咁傾黎都無意思啦，係咪先？
相反，一個識得去「聆聽」既男仔
就會令個女仔覺得你係真心想去了解佢
咁個女仔就會不知不覺咁對佢產生好感
咁都係點解我認為同女仔傾計最重要既秘訣之一就係：
你必須用「心」去了解佢個「人」！
無錯，就好似我同女仔傾計果陣
我其實都係先聽完再講
而且個女仔一講野
我通常就會好專注咁望住佢
然後你會成日聽到我講：嗯嗯，原來係咁，然後呢。。。等等
我又會將呢啲稱之為「聆聽語助詞」
不過除左建立好感之外
聽人講野仲有另外一個很好重要既功能
就係收料！
例如話，你可以直接從個女仔口中得知：
佢鍾意乜，唔鍾意乜
佢相信乜，唔相信乜
以及佢對一啲事物既態度、信念，仲有價值觀
不過其實識聽人講野都未夠
你仲要配合埋發問既能力，即係第二項
因為你細心諗下
聽野同問野其實係並行既野黎
好多時我地問野既目的就係為左聽人講野
問題係，好多男仔都非常欠缺發問既能力
我諗你一定都有留意過
有啲男仔同女仔傾計果陣
都唔知佢係太緊張定係想扮cool
所以由頭到尾都係坐係到
乜野都唔問
比人地既感覺就係好悶
呢個係一種情形
另外一種情形又點呢？
就係有啲男仔雖然好識去問
但係問既野都只係一啲好表面既問題
一啲我所謂「人、事、時、地、物」既問題
咁乜野又係「人、事、時、地、物」既問題呢？
等我又舉個例子
假如你日你同個女仔傾到「工作」
結果你就問佢呢啲：
你做邊行？
每日幾時返工放工？
公司係邊頭？
老闆好唔好人？
諸如此類。。。
呢啲就叫做「人、事、時、地、物」既問題
其實「人、事、時、地、物」既問題唔係唔問得
只不過你如果希望更深入去了解對方既話
咁你就要識得去問啲
比較屬於我所謂「內心層面」既問題
咁又應該問啲乜呢？
例如話，如果我地返去岩岩個例子
就係當個女仔話我知佢係返咩工之後
先唔好管佢係做咩既
我可能跟住就會問佢：
份工hea唔hea架？
或者係，份工辛唔辛苦架？
你睇，當我咁樣問既話
我等同係從一個情感既角度滲入
因為我以上問到既野都係同一個既情緒或者感覺有關係
咁點解要從情感既角度滲入呢？
我咁講啦，唔理係歌星
定係掃街既
只要係人
我地對於任何事情都會產生情緒同感覺
因此情感係我地每一個人既共同經驗
所以唔管你地今日既話題係乜都好
只要你從情感既角度出發
個女仔就會覺得你問中point！
更正既係，一旦女仔既好奇心打開之後
你又可以故技重施
比如話，如果個女仔答你
佢覺得佢份工好辛苦，壓力好大
呢個時候你就可以繼續問佢：
係？壓力咁大，咁你平常點樣放鬆自己？
你睇，放鬆呢個詞語又係同情感有關
所以我就係不斷咁從情感既角度出發
講真，有時你單單只係用呢招
就可以無限咁延續個話題
好，我依家就黎講埋第三種能力
都即係講故事
咁點為之講故事既能力呢？
咁當然唔係好似我fb日日出現既野咁啦！
我所謂講故仔既能力
意思就即係傾計當中
間唔中同個女仔講下你個人既趣事
特別係show到你優點既威水史啦
進而達到吸引既目的嘛
比如話，我又返到之前個例子
我問個女仔：咁你平常點放鬆？
或者佢答既野可能係佢平常會聽下歌咁啦
或者係同朋友食下甜品之類啦
然後等佢講完之後
唔好唔記得，我都係聽完再講
如果佢反問我既話
呢個時候我可能會同佢講：我鍾意去旅行
當然，一講到旅行
我就可以順便同佢講下我啲威水史
就係有一次我同朋友去澳門
結果遇到一班昆狗
差點比佢地fake左去賭
好彩比我踢爆左佢地
好啦，就好似呢啲威水史咁
就咁睇可能只係真係好平凡，無乜野
但女仔聽完之後會點諗？
一：你家境一定唔差，如果唔係點樣成日去旅行
二：既然你成日出國既話，咁你一定係個學識廣博既人
三：你話你同朋友一齊去，咁呢個朋友係男定女？同你又有咩關係？
如果佢對你有好感既話，佢就可能會出現第三點既想法！
所以你睇下
單單係一件小趣事
就可以爆出咁多野
咁都係點解我覺得講故都係一樣好重要既能力
只不過，好多男仔成日犯既錯就係當佢地講故果陣
聽落好似認叻同曬命咁
例如佢地太多都鍾意係女仔面前
係咁吹大自己既英勇事蹟
結果往往比個女仔識穿左
不過正確既做法應該係用暗示既
就係話，你必須將你希望所帶出既特質
或者係你個人既優點
好巧妙咁插入係你個故仔入面
得個女仔自己去得到果個結論
而唔係畫公仔畫出腸咁show出黎
呢個就係講故既要訣
好啦，針對呢三樣野
今日就暫時講到呢到先
我諗你對呢三大基本能力
應該都有左初步既認識
不過我都好坦白咁講
我今天同琴日先所講既都係只係一小部份
呢三樣野就好似煮一道送既方法有好多
例如，煎、炒、炸、蒸。。。
只不過係入門廚藝既基本功黎
比如話，我之前所提到
如果你想問個女仔一啲比較屬於「內心層面」既問題
你可以由情感既角度出發
不過，除左情感之外
我個人最常用既其實有多達六種既出發點
而且每個都能夠批中要害！
如果你有心大幅提升你同女性溝通既能力
咁希望真係多啲支持下我啦。。。
畢竟無人睇既話，我打黎都唔知為乜啦。。。
|
| 發表時間：2013-09-29 07:19 PM [ 訪客留言(0) ] [ 編輯日誌 ] [ 分享至FACEBOOK ] |
| 兩性溝通(一) |
分類: 作既野 |
當你同女仔傾計果陣，你係咪成日搵唔到話題，
或者成日出現Dead Air，即係冷場既情況呢？
假如今日你有「唔知點同女仔溝通」既問題
咁你真係搵岩人啦！
因為我即將同你分享一下我既心得
不過繼續之前，我想先問你一個問題：
回想當你同女仔傾計既時候，你最常遇到既困擾係咩呢？
Ａ）完全搵唔到話題，甚至根本唔知要傾啲乜
Ｂ）唔識點樣接住個話題，因此成日出現冷場
Ｃ）話不投機，所以總係局限係非常表面或者禮貌性質既對話
Ｄ）跟一般女性傾計仲得，但對住自己鍾意既女仔就變得口齒不清、語無倫次
如果你有過以上任何一種困難
咁你就繼續睇落去啦！^^
因為我必須話你知既野係：你並不孤單！
無錯，從我開始研究男女關係呢門學問之後
最常發現既問題之一正正就係到底要點同跟女仔傾計？
仲有就係點樣同自己鍾意既女生傾計？
我相信你一定有都有類似既經驗
就是今天你好不容易認識了一個女生
然後你都費盡千辛萬苦先約到佢出黎
不過就係你地見面既同時
問題就黎啦。。。
你忽然發現你唔知同佢講啲乜！
當你地真正咁坐低
可能係食緊飯、又或者係飲緊咖啡
呢個時候你個腦忽然一片空白
你通常就會亂咁問啲問題，通常都係一啲無謂既問題
好似係：「妳成日都黎呢到？」
或者：「妳平日做啲乜？」
或者，你就係變得異常安靜
甚至就是坐係到扮cool
同佢你眼望我眼
直到有一方終於開口講左啲野
往往都是曇花一現、後繼乏力
頓時又係一陣既尷尬。。。
經過多年既觀察同研究
我認為同女性傾計呢樣野真係唔容易
甚至必須將佢視為一項技能
一項必須落苦工去開發與培養既技能
點解？試諗下，
今天你同女仔傾計
特別係同你鍾意既女仔傾計
當中牽涉到既變數其實係非常之多
到底係乜野變數呢？
變數一：性別差異
呢點好明顯
畢竟我地係女仔傾計
而唔是同男仔傾計
所以你當然唔能夠將我們同男人傾計果一套
直接套用過黎
而是，你仲必須考慮到
或者女仔傾計既方式同我地男仔唔太一樣
又或者女仔感興趣既話題都同我們男仔唔太一樣
就攞話題黎講啦
我相信你一定同意
我地男仔同女仔鍾意既話題確實有差
就好似男仔喜歡講電腦或者係ACG之類既話題
但對有啲女仔黎講
你覺得佢地會想同你傾呢啲咩？
就比如話，今日有個女仔
一直同你傾假睫毛
或者水晶指甲之類話題
相信你都明白我想表達既野啦掛？
變數二：熟識程度
咩係熟識程度呢？
就是話，當你同女仔傾計果陣
除左性別既差異之外
另外一個非常重要既變數
就是你地之間存在左幾多交集？
畢竟熟人同陌生人最大既差別係邊到？
咪就是兩者之間交集既強與弱囉！
簡單啲黎講
如果今日你同佢越熟識
表示你地之間既交集都比較多同比較強
所以你們當然就越容易傾得埋
相反啦，如果今天你個女仔識左無幾耐
表示你地之間既交集好有限
咁你地傾計果陣當然就要花比較多既工夫去發掘你地之間既交集啦
變數三：對方屬性
咁又即係咩意思呢？
我呢到所指既並唔係萌屬性呢門學說
不如咁講啦
想像一下今日你同兩個女仔傾計
一個外向開朗
一個內向怕羞
你覺得當你分別同佢地傾完之後
你會唔會得到截然不同既經驗？
我諗實有，畢竟每個女仔都唔同
傾計既風格都唔一樣
鍾意既話題都唔不一樣
咁都即係點解有時候你冊特定類型既女仔傾計
你會發覺你既情況特別好
能夠暢所欲言、百無禁忌、行雲流水。。。
但係，係另一種類型既女仔面前
你又忽然變得口疾疾
甚至連一句說話都跟唔上
換句話說
你要點樣針對唔同類型既女仔
黎到調整你既傾計策略
呢個將會係一個好重要既課題
變數四：個人屬性
焦錯，傾計係雙向性既
既然我地必須考慮到對方屬性
我地當然都唔能陪忽略我地自己既屬性啦
咁又點解呢？
因為你今日點同女仔傾計
其實同你既學識、背景、以及人生經驗都有關
就好似，你係中學既時候同女仔傾計
同你係做老闆既時候同女仔傾計
講出黎既說話都唔一樣啦！
所以綜合以上幾點
我地今日有一個大前提就是
跟女仔傾計這樣野係生既
我唔會同你講：拿，你應該點樣點樣同個女仔傾呢樣野！
因為就好似我之前話既，變數非常之多
好多地方最後都要靠自己既經驗去判斷
呢個都係點解你有咁既認知之後
我地依家就可以開始討論
究竟同女仔傾計既要訣係邊到。。。
話題既迷思
點解當你跟女仔傾計既時候，
話題只係其次，更重要既係氣氛同感覺？
依家我就講跟女仔傾計既要訣
不過係繼續之前
我唔知你有無注意過
一個好識同女仔講野既男仔
到底都同女仔傾啲乜話題？
談判同女仔傾計呢樣野
好多男仔第一個諗到既就係「話題」
好似係點樣開個話題
點樣去延續話題
點樣確保源源不絕既話題。。。等等
的確，當你同女仔傾計既時候
話題扮演左非常重要既角色
事實上，有時候你只是講出岩既話題
你根本就唔需要擔心跟住落黎會變成點
因為一旦女人既好奇心打開左
反而係你想停都停唔到
不過問題又黎啦
究竟乜叫做岩既話題呢？
畢竟我上面都提到
男仔同女仔鍾意既話題確實有差
只不過差別到底係邊呢？
舉個例子，男人之間最常講既話題有邊啲？
不外乎都係事業、金錢、女人、遊戲、運動、電腦之類既野
而且比較偏向技術層面
或者講係比較「功能導向」
但是，你如果仔細去留意女性之間既談話
你會發覺女人最感興趣既話題
差唔多都係同人有關
就好似係感情、兩性、心理、星座、名人、八卦等等
呢啲都係女人最鍾意既話題，點解呢？
因為你睇，有別於男人，
當我地講到我地感興趣既話題果陣
我地就係針對話題既本身
所以有時候只係討論話題當中既技術細節
我地就可以從中得到滿足
比如話，我以前好鍾意打「三國志」
只要你一同我傾呢樣野
我可以即刻話你知每個武將既戰力、智力、領導力等等數據
但係女人就唔一樣
經過多年觀察同研究
我個人最重大既發現之一就係：
好多時候女人之所以對某個話題感興趣，
正係因為呢個話題能夠幫到佢了解佢自己！
咁都即係點解我話女人鍾意既話題幾乎都同人有關
因為只要係同人有關
佢就有機會從中認識到佢自己
呢個係一個非常重要既觀念
又黎舉個例子
我岩岩話兩性係女人鍾意既話題之一
所以有時候我同女仔傾計
我就鍾意將男人同女人之間既差別攞出黎講
有一次我就問個女仔：妳覺得男人同女人，邊個比較鍾意講大話？
然後舍女仔回答完之後，(佢答男定女，我都係講以下既野XD)
我就話：係，因為我最近係網上留意到有篇文，佢說男人講大話既目的，通常是為左曬命同認叻，但係女人就唔一樣啦，女人講大話往往是因為佢唔想傷害到對方。
好似呢類型既內容
絕大部份女仔就會覺得好有趣
點解？因為就我剛才所講既藉著講呢種同人有關既話題，
女人可以直接或者間接咁認識到佢自己
不過話說回來
我地都唔係要完全避開男人既話題
好似我間唔中都賭一賭同女仔傾傾ACG有關既話題
話唔定個女仔比你有更多既興趣都未定
只不過絕大部份既時候
對於比較偏向男人既話題
我都是點到即止
除非個女仔表示有興趣
否則我唔會一直講
好啦，關於話題既部份
我地其實可以做非常深入既討論
不過我個人既睇法係：
話題固然重要
但我都唔希望你陷入我所謂「話題既迷思」
咁乜野又係話題既迷思？
即係話，單單只係知道女人鍾意邊啲話題
然後再去同佢地傾呢啲話題
並唔代表個女仔就一定會鍾意你
或者對你產生好感！
我地要搵出個目標並對症下藥
就是令個女仔對我地產生吸引同好感
這個都係我地既主要戰略
問題係好多男仔最常犯既錯誤就係佢地過度聚焦係要同女仔傾啲乜
但又唔記得左點樣傾往往先係關鍵
因為我必須話你知既係
當你同女仔傾計既時候
聊天既內容或者係一回事
但女人更重視既係氣氛同感覺！
咁乜又係氣氛同感覺呢？
就好似係你地傾計既過程當中
你係咪能夠提供比佢一個愉快既經驗
令佢感覺係同你傾計果
覺得係好舒服，而且無壓力
同時又能夠深入了解你係個點樣既人
咁都就係點解有啲男仔其實好識講野
但好識講野並唔代表好識傾計
好識傾計都唔代表女仔就會對你產生好感
雖然佢地比較不至於有果啲搵唔到話題或者冷場之類既問題
但係好多女仔最後都唔會同佢地一齊
甚至就只係將佢地當作哥哥咁看待
點解呢？下一篇再說，因為無人想睇既話，我講黎都無意思啦。。。 |
| 發表時間：2013-09-29 07:18 PM [ 訪客留言(0) ] [ 編輯日誌 ] [ 分享至FACEBOOK ] |
« | 215 | 216 | 217 | 218 | 219 | 220 | 221 | 222 | 223 | 224 | ... | 426 | »
|
