今日7月1   好多人都出左去遊行  希望用力量改變宜家嘅制度  乜鬼最低工資    真普選   平反xx   要求釋放xxx  等等

每個人都求改變  咁我呢?

本身好想好平凡好普通咁入大學  讀我最想讀嘅科    原來係一件好難嘅事

唔係D就E   真係完全冇唸過full cert only...

我揀個25個choice又冇d收5.5分嘅科      只怪當初太高估自己

琴日9點幾收到成績單    我個心好難受   咩都唔理  係咁睇本刊物搵有咩degree

本身冇咩事    但係劉sir一黎拍我膊頭     即刻好想喊..只好扮堅強去聽佢advice

忍忍忍     係咁搵資料黎令自己唔好唸    死頂係唔想有人擔心

個陣好多謝契哥 劉sir  陳sir chiming幫我睇有咩科   點排jupas  而且令我好尊心搵資料

但係返到屋企   已經真係忍唔到   特別個陣屋企冇人   放聲大喊  

姑負左自己  屋企人  老師    自覺好廢  冇用

夜晚去左游水   將唔開心釋放出黎

一來好熱  所以游得好舒服              二來唔開心  所以出盡力游 

游到一半個陣  天開始黑            我望到有粒星好光  但係附近有舊大黑雲   就黎將粒星"姐"住...

好突然  聯想粒星我行大學條路       係好光     隔離我好遠   仲有阻礙  唸唸下  好灰

但再睇下周圍     其實有好多射燈照住我     又近又光    令我反省何不捨難取易?

大學路有阻  但仲有好多方法升上去   無謂咁執著啦

好多出路  好多人支持    我係度唔開心d呀仲?

游到最後     星光返左出黎......

今日去左中大先修報讀HD  希望入到BBA或者會計

大學路可能要行耐d     都唔知去唔去到       起碼  我已經改變左心態

總會有燈!

特別嗚謝jocelyn幫我整左個咁Mr. 嘅blog  好靚~thx!