其實我琴日真係好唔開心,前晚突然聽到你話想同我分手
我好想知原因,你初初講嘅原因其實我真係唔明
太安穩?我唔太明入面含意
講下問下,你話你同我一齊係似習慣
冇左以前一種好想同我分享嘅心態
打俾我似一種習慣
咁我就明白,"佢唔再愛我"D個結論
點解?點解我同你開開心心傾緊電話個陣會突然講分手?
點解?點解你前個幾日已經發覺,到前日你先講出口?咁我地最近D幾日傾電話其實你一D都唔開心?
點解?點解你想拖到考完試之後先同我講?...
我真係好唔開心
我前晚,琴日都喊過
我第一次望住鏡入面嘅自己係度問
"點解你咁廢?我係咪連愛一個人留住一個人都做唔到?係咪我就算點努力我都唔可以同我自己鍾意嘅人一齊?"
望住,問住,喊埋出黎
我有同你講過
因為我要返工,你要返學考試仲要a level,所以見面會少,我更加珍惜
我好珍惜每次見面時間同埋傾電話
就算見得一陣,傾埋d無聊嘅野
我聽到你把聲就好開心
你係我嘅推動力黎
琴日,我好似完全冇左推動力
我仲係不停咁問自己個幾條問題
"點解我咁廢"
琴日亦都係我做左一個小決定
我除低左一隻我帶左應該有半年嘅介指
其實我都唔記得左我幾時開始長期帶d隻介指
返學,出街,返工,出去同屋企親戚食飯,去旅行,訓覺,我都帶住
琴日,我狠心咁除左佢去返工
唔知係咪心理作用
唔想食飯,做野冇心情,隻手成日覺得係咪跌左隻介指唔知去邊
我做野做到攰攰地,望住自己隻左手,好想喊
原來隻介指同你一樣
介指係我無名指留低左一條痕,表示隻介指已經俾我長期帶到個個位變左白
你亦都係我心入面留低左一條更大更傷嘅痕跡
突然冇左,令到我成個人都好迷茫
冇mood,冇力量
唯一慶幸,我有好多fd撐我
雖然前日琴日冇咩心機睇你地講咩
不過都要多謝你地
到左今日
今日朝早唔知發咩神經,成個人好positive
可能訓左差唔多10個鐘啦
我係張床度突然咁唸
"其實第三次分手都係因為我對佢冇左感覺.只不過今次係佢對我冇感覺姐"
唔知點解,我好有信心,就算你完全唔鍾意我又好,鍾意左第二個又好,好憎我都好
我都好有信心可以追返你
宜家只係到左一個好差嘅timing(同第三次分手一樣,不過個陣係我考a level,你考會考)
我亦都知可能係我做得真係唔好,傾電話咁hea
我會改變,我要改變,我會為你變
我信我做得到,我信我仲可以做得到
做到你心中要嘅
今日就係d個唔知點得黎嘅信心
我決心咁帶返隻介指
我本住一個信念
就算你唔愛我,我都會愛你
唔可以俾任何野動搖我鍾意你
因為,我鍾意嘅係你
我今日心情都好好
唔係因為克服左分手嘅痛,而係我真係明白點去愛一個人
愛+有能力=爭取
愛but冇能力=俾多d力去爭取
到左最後你都係唔揀我,我起碼有盡過力
而你最後唔揀我都一定有你嘅原因
我唔會後悔
I love you until the day I die,or you have a better choice.
