宜家係深夜1點05分

已經係星期一啦咁就

我係crystal chan & co.咁就做左一個星期

時間快到咁....

可能係入面工作真係好充實

又係自己鍾意做嘅工

一個星期咁就完左~

d一個星期

我搞緊2蚊店

聽聞係老闆個fd開

交易金額唔細(1千萬sales左右)(買貨都幾百萬)

分店又多,初初真係唔係太上手

原來分expense係一件好難嘅事

係我唔記得定係現實同考試差好遠??

唔緊要!!好彩有個好老闆娘+一個好同事!!

全公司(計埋我共5個人)都好好人好nice好肯教,唔會擺款!!超like呀

都係講下我做緊個間~

好多好細張嘅單,又唔知係唔係公司expense

所以我都唔知入唔入好

例如...洗頭水啦,wellcome百佳買餸啦,八達通增值啦,唔係鋪頭嘅管理費towngas水電費啦,fancl或者其他洗面用品啦,西莎狗糧啦,電子驗孕棒(囧)......啦

所以做得好慢....要成日問老闆

我前2日先知原來裝修係當fixed asset架!!

同埋買手提電話notebook DC風扇光管個d,唔會當assets架原來...

都真係同考試差好遠

冇一個exactly嘅profit,你大約計到幾多就幾多

d個就係做會計公司我領會到的

學嘅野當然唔止咁少~

我第二日返工就學識去稅君同CR(公司註冊處) cup印仔~

有時出去行行真係幾好~唔洗成日對住電腦入入入入入數

不過我仲未接過公司d電話.,...死啦..會唔會俾老闆殺左我架?><

唔得...要試下接先得!!

今個星期嘅目標係接電話!搞掂2蚊店!!!

PS:星期六返工唔洗著恤衫...伏已中

PPS:我星期六日都要補晞研(小一妹妹)私補,一星期返工返足7日~爽!!(遲早攰死XD)

PPPS:我真係好鍾意會計d份工同埋係d間公司做!!!!

PPPPS:d排少見左我最愛的人...sorry><希望我努力工作個陣你努力溫習,一齊努力啦!!不過講真...見少左,唔開心的事件都少左好多,反而每次傾電話同見面開心左
真想永遠keep住d種甜蜜^^