今日突然係fb見到一個fd打左句咁嘅野
"9。18 毋亡國恥 打倒日本子"
點解嘅? 點解突然咁愛國? 定係一直都咁愛國?
我又再唸唸....死喇...918發生咩事?
岩岩上網check下先知大約係俾日本人攻擊啦(冇詳細去查)
今日又有唔知咩黨嘅人為左918遊行
咁奇怪嘅?
平時我地唔係好憎中國架咩? 點解去到某特定日子就會180度轉體?
唔明唔明! 中國咁多衰野
貪污,豆腐渣,假野,三聚氰氨,奶粉.維權人士被扣,言論自由,禮貌.....
好似係某d日子 就會自然唔理唔重視...十分愛中國
細心唸一唸,823 d個日子比起918更顯得出黎
823係菲律賓事件
個人香港人係好團結 係fb一齊評論同一件事 又一齊傾菲警點廢點廢
但係我好記得有d人嘅意見係
"快d叫中國軍隊搞掂曬班菲警啦" "中國剷平菲律賓啦"(大約係咁)
我係個日都有d個唸頭,搵中國教訓下菲警
點解嘅? 我之前明明覺得中國咩都廢過人 點解有事個陣會唸叫中國剷平菲律賓?
我對中國軍隊一d好感都冇
但點解我突然覺得香港發生大事,中國應該要出手幫?
係咪人嘅本性?
我地到底當自己係中國一部份嗎? 定係有事先搵中國幫手?
或者d個只係一小部份係fb見到嘅現象
但係近排釣魚台 我又發現差唔多嘅事
不過唔同嘅係今次中國同日本係個島上嘅主權爭執+中國船長被扣
我見到一班80後青年係北京,深圳都有遊行示威
80後..唔係主張維權架咩? 幾時開始維護埋中國主權?
仲好齊心一齊唱國歌,好有愛國心
香港人都向日本領事館示威
講真,個個島仔雖然有好多石油,但理論上香港真係唔關事...
點解我地d個時候會撐中國,反日本?
大陸有d大公司,有d人開始話抵制日貨
d個舉動雖然好on居,邊有可能抵制...
但係,反映左中國民族好有決心去爭取自己應有嘅野
係d個時候,每個中國人民族心就出左黎
咁就會團結+愛國
香港人 應該都一樣有嘅
俾人挑,搵中國
中國俾人挑,撐中國
的確 一個國家可以係國殤之日團結
真係幾難得...
連香港人愛國嘅意識都出埋黎..
係難得X難得!!
