今朝，8:15先返到去練歌。
聽ms yip同ms mok分享好有同感，
特別係ms yip講要補lab，同埋ms mok講choir既理想係將美妙嘅歌聲帶進人的心靈。
我要努力，縱使倦透，也要撐下去。
師生同樂，去左幫善社食街。
食街幫手令到時間過得特別快。
善社係最早賣完，好開心 =)
大家既努力係冇白廢到，雖然我付出既真係「好少好少」，
但係仍然有幸能夠分享到善社既一大喜悅。
我地仲淨賺千幾蚊添呀~
班聯歡，我覺得都玩得好開心，
雖然係有點冷場，但係6B真係好融洽。
哈哈，我地成班好多人都鍾意起哄。
聖誕快樂！！
果然沒有找我呢，心照了，哈哈......( 正傻瓜 )
PTA晚會先係今日既重點所在。
我同Gloria由上個星期已經開始抽時間死度爛度啲MC稿。
有時，未溫test就要打稿，溫完test都要打稿。
到左臨開場前，我地仲不停做各樣preparation，take it serious。
又有老師要求我地臨時加稿，FINE，NO PROBLEM
到左開場，我地都講得好好，仲令到家長笑，好有滿足感。
曾經有一次讀錯一個表演同學個名。
跟住校長就走上黎話：你地讀錯左一個同學個名，係叫xxx，你地之後糾正返。
好，冇問題，係我地犯錯，我地願意公開道歉。
但之後佢繼續講：你地唔好講咁多「無謂野」啦，你地講下佢地拎左咩獎，
頭先朗誦嗰啲一個獎都冇介紹過出黎，
仲有呢，你不如補充返The Birthday of a King個King係點解。
仲有，I Have a Dream個dream係點解。
我想講，校長，
我地講錯同學名，係我地錯，我地亦願意道歉。
冇介紹「咁多」獎項，亦係我地既過失，我地願意立即做補充。
無可否認，你既演說技巧好過我地好多，
但請你體諒我地係學生，
最好緊係由上星期開始，透過老師或其他方法知會我地。
你臨時加野俾我地，我地亦樂意幫你盡力講好佢。
但係，我地老師同學度左咁耐既mc稿絕對唔係「無謂野」。
我地度得咁辛苦，都係想幫cpu做好個pta啫。
我承認我地係有不足，但係所講野絕唔係雜亂無章。
我覺得你無權否定我地付出過既努力。
仲有，呢啲野你可以對住「男仔」講，並且係較為少人既場合講，
你知唔知唔係每個「女仔」都會受得住？
我想你明白，我地咁努力、咁凝重咁做好我地既duty，我地係有付出過血汗。
PTA mc同MF mc好唔同，
MF既mc因為係校內活動，可以做得比較輕鬆，校長、老師亦唔會太計較。
但係PTA晚會係對外，同你合作既人就係校長、老師，所面對既都係大人。
對於你既犯錯，錯就係錯，唔會好似同friend咁「say個sorry」就無事，
壓力大好多，亦都要「得體」好多。
多謝Ms Kwan同wong sir仲有其他各位老師，係我地犯錯後仍鼓勵我地！
Gloria，笑下啦，PTA is over.
今晚我上左寶貴既一課。
真係傻，經過今晚之後，竟然會想立即跟你訴說，.... 果然係傻，哈
|
