今朝去左行山，真係健康！
相約在青蛙公園 (第一次知呢個地方) ，一行6人。
小鼻差我好多人情...
聽高佬媽媽講，是次行程十分容易，行裝簡便即可。
所以.......................我淨係帶左一枝水。
由松嶺出發，行上玉秀峰上既衛信遜徑，再行返落大埔頭。
「上山易落山難」這一般說法... 我地今次係岩岩相反...
上山既時候，好多泥石路，仲上過一級約三級樓梯、45度斜的泥石級，
加上今日天氣又熱又焗，而我又係大汗既人... 行上去特別辛苦。
最後，我地都堅持上到山頂，好大風、好涼。
大埔真係好細！！！一雙臂都可以將佢環抱起黎！
跑海濱既獎勵係日出的話 (雖唔定時)，行山的就是涼風和風景！
落山既時候，鬥快衝落去，爽！
期間講返高佬啲舊事，有呢個咁既朋友真係開心xdddd
7-11既雀檸真係好飲。
好鐘意outing，唔想喺家亂諗野or百無了賴
依家同學錄又暫時停工... 好似已經唔想做，唔想再拗。
有outing叫埋我啦！
同學錄既文字稿大概搞掂！多謝13位同學既合作！！！
之後就係剪貼同畫畫做野，5e主題係《愛麗絲夢遊仙境》！
我都要趁無野做，接觸返多啲枝久違既畫筆。
我會消失，多次失敗，這次一定可以。
下次下次，下次大概可以。---《下次下次》
如果騷擾你是我，不勝負荷：我會消失，讓自己一個抑鬱。---《斷絕來往》
跟你早應該要如遠約近；我今天知不應該，我是活該！---《逼得太緊》 |
