今日4月5號;清明節大日子= ="{對我黎講唔算得係咩!}
不過真係好眼訓;連續番左四日工;仲要星期一放完仲要踩到第二朝既朝頭早;
咪話唔累;死咁濟;不過;我又點會咁快累;
勁有精神咁打左幾個鐘頭機;今朝先慢慢放;
今個星期唔好激嬲我;隨時發癲;
因為我既好妹妹既朋友黎來;唔想咁燥底;
清明節要做功課;又要番工;想死=v="

不過其實我番左幾日工;我真係覺得做夜晚通宵更既7-11係唔錯架;
有咩雜誌第一下到手;如果係有野送個d;可以拎定本擺係入面;
放工個陣比錢買番;勁正;買左本東touch;個袋算過得去啦;
呵呵;我都幾Enjoy做呢份工;幾得閒既;收下錢上下貨;
整下報紙又過左八個鐘頭;我有兩個拍檔既;
一個係月姐;一個係steven;月姐好好傾架;
而且對我都好好;佢會請我食野;不過我唔舒服冇食;
月姐會教我野;有陣時悶會傾計;人又nice;
不過我另一個拍檔steven就唔同了;
雖然佢有陣時會問下我去唔去廁所;肚唔肚餓;
但係佢真係好cool;個樣好嚴肅;我尋日勁白痴問左佢;
{你係咪茶左古龍水?};跟住唔出聲入左番去;
我都係呢幾日先知道佢食煙;佢個身真係好大陣味;
不過唔知係咪尋晚問完佢黎;個陣味又冇乜;
人係令仔既;不過性格好c00l;真係好得人驚丫佢;
我曾經一度認為自己係花痴黎架;因為冇人黎買野唔駛收錢;
其他野又做哂;我就望住佢做野;望到好入神= ="
我都痴痴地線;呵呵;不過算啦;同佢拍檔好好;如果佢肯可以開口講下野就好啦;)

呢排要測驗;好努力溫書;溫完書仔就番工;
星期五六日;日日如是;呵呵;
補習呢家野我就唔知啦;哇卡卡!
我想補既不過要從新整過個時間表;
唉;呢排冇得打波;冇咩心機;兄弟;搵日打波丫;
好悶丫;唔打波d生活冇咩樂趣!

打左咁多;又眼訓了;訓番幾個鐘;跟就起身溫書做功課;)