返工有一種強烈嘅感覺…一路以來都好想改變，出咗社會做咗嘢咁耐，原來自己一直都冇變過，有時覺得自己正在轉變中，但原來只能維持一瞬間，突然檢討自己，換來嘅係一連串內疚，我憎恨自己點解唔識善用機會，機會不斷在我身邊出現，每次我總會利用不同嘅藉口去避開，我覺得對唔住畀機會我嘅人，我知道我嘅性格好有問題，唔係個個都接受到擁有變化多端情緒嘅我，但我衰到竟然忽略咗願意接納願意為我付出嘅事物，自己偏要作出一堆無謂嘅想法，成日走去胡思亂想，要轉變嘅地方有好多，宜家我個腦諗緊嘅係咪最主要呢？眼前嘅一切我根本冇用心仔細欣賞過，將來嘅嘢唔係毋需理會，但at this moment希望我能謹記我要做嘅係乜。