一個好簡單嘅問題，我可以將佢諗到好複雜，我會假設好多唔同嘅可能性，我嘅無謂顧慮真係多餘…要思考嘅嘢多不勝數，面對艱難嘅我往往選擇逃避，其實只要我學會適可而止，相信我必能有所進步。放假對我嚟講係多餘，自從轉咗返5 days，我覺得星期六日已經係一個讓我好好歇息嘅假期，面對我嘅年假，我真係感到非常困擾，掙扎一輪後，今日決定畀自己放一日假，雖然stay在家中冇乜特別，不過就算係時候執屋，我都唔多想郁動，因為今日我真係想好好休息一下。