話說星期五去左海洋公園哈咾喂
應該由邊到講起至好
其實我又唔係太想講
因為我真係無咩值得講 -_-
-----------------------------------------------------------------------------------
講之前講少少野
話說我發覺打blog真係要即日打
否則好似我今日先打已經唔係太記得
再加上我有"興奮後失落症候群"
依家有小小失落
同埋已經唔係好記得自己想打咩 -_-
---------------------------------------------------------------------------------------
咁由搭車講起啦 -_-
話說諾汶話想要搭巴士
然後就好多人被佢拉左落水一齊搭巴士
點解話要搭巴士果個唔識去巴士站 -_-
好難捉摸啊大佬 -_-
搞完一大輪就緊係好晏先到啦
咁遲到就梗係屈安順架啦haha
------------------------------------------------------------------------------------
話說到左先去左一個鬼屋
對唔住我真係唔記得佢地既名 -_-
諾汶你又捉住我又捉住安順想點先
其實條路好窄 -_-
唔夠三個人打橫行
之後又走左去其他兩個鬼屋
可能係我冷靜得濟都唔驚既 ~.~
---------------------------------------------------------------------------------
話說之後我地幾個脫左群去玩跳樓機
我地幾個係我,安順,山丘,李明4個
頂 安順淆底
但真係好鬼正
我發覺我勁鐘意跳樓機
好想玩多次
不過有機會我會想試Bungee Jump
好似勁好多
成日都覺得如果我要自殺
我一定會揀跳樓
竟然俾我搵到同樣諗法既李明 O_O"
跳樓姬嫁俾我好嗎? hahaha
-------------------------------------------------------------------------------------------
話說然後去左玩越礦飛車
唔google都唔知叫咩名 -_-
呢次連山丘都淆底 -_-
有咩好驚姐?
出過意外同埋生左鏽之麻
得我同李明玩
呢個又幾正
係海邊d海風吹住好涼~
中間有一下轉住彎上然後落
個離心力ok大幾正
唔洗買六合彩haha
--------------------------------------------------------------------------------------------
話說接下來去左滑浪飛船
唔google都唔知叫咩名 -_-
又要帶住兩個淆底友 -_-
又要玩又怕濕身
一上船即刻閃去最後
人地李明女仔都未驚過啦
而我咁gentlemen就梗係坐最前
頂頂頂 -_-""
濕晒唔驚 -_-
一路坐一路唱海闊天空
然後又同唔識既人打招呼我係咪癲左 -_-
又大叫"山頂既朋友你地好嗎"我真係癲左
玩完濕晒又加上秋天涼涼地
爽到震 ~.~
-----------------------------------------------------------------------------------------------------
話說之後就跟返大隊
去左玩雷霆節拍
唔google都唔知叫咩名 -_-
一路玩一路唱譚詠麟既夏日寒風
「狂呼我空虛！空虛！」
唔好問我點解
因為我都唔知點解想唱呢首 -_-
------------------------------------------------------------------------------------------------
話說終於到主菜H14啦
頂你個肺要我捉蟲 -_-
捉蟲其實無咩問題
不過你要我只捉一條蟲出黎放係佢地手上就真係好難
跌左落地仲要我汁返
又黑蚊蚊乜都睇唔到點汁啊
之後就狂要我地搵鎖匙
搵左幾次都搵唔到
其實一直我好懷疑有冇鎖匙
終於Kaya同Mera係屎坑到搵到 -_-
然後就淨係可以帶走一個人
做咩要帶我走 -_-
然後jim同promise去左邊就唔知
不過見到jim既時候 promise俾人捉左做人質 -_-
我地要殺左個人先可以救返promise
咁當然殺啦 你都預左我一定殺架啦 -_-
然後就玩完啦
不過後來同佢地講返
發現佢地玩既野多d好似有玩蟑螂
唔知我地果陣係咪趕收工 -_-
玩完都夠鐘關門了~
------------------------------------------------------------------------------------------------------
然後就返屋企了
話說返屋企都要講?!?!
走左去天瑞買m記
返到屋企仲洗左機衫晾左機衫先訓
成4點先訓做乜鬼野 -_-
星期六仲要做SBA啊
-------------------------------------------------------------------------------------------------------------
話說玩完跳樓機之後保持好high既狀態一陣
因為真係好正
跟返大隊之後又冷靜返
所以說我呢個人真係有好多面人格
呢個好high既人格好似好耐無拎出黎用過
因為依家我最常用係扮冷靜既人格haha
---------------------------------------------------------------------------------------------------------
然後話說星期六要返學做sba
踢拖鞋返去係門口見到副校 O.O
入去拍卡見到黃永業 O.O
好彩無捉我不過嚇死我 O.O
然後做果陣好眼訓啊頂頂頂
做做下真係"中眼訓"
好彩開爺拍醒我 -_-
唔該晒 :-)
---------------------------------------------------------------------------------------------------------
無聊一提 :
上個星期開始左每日100sit up&push up
加油啦我!
睇下下星期開始有無時間去跑下步?
-------------------------------------------------------------------------------------------------------
話說呢篇blog斷斷續續打左成日終於打完 -_-
ByeBye~
|
