Last Day我點都要打返一大篇blog啦
話晒我呢到大部份都係講學校既野
其實除左last day我呢排仲有好多好多野想講
btw,係咪估唔到我真係中學一路有打blog B-)
其實小學都有打不過內容太過膠我頂唔順del晒 :-P
----------------------------------------------------------------------------------------------------
始終讀書要緊咁就先講mock成績
話說其實我覺得考得唔錯
終於都有返小小考試狀態
唔似pre mock完全無態咁
不過有狀態就無態度
就連最認真讀既ths我竟然溫都唔溫就考
仲記得當日應承自己升上中六要認真讀
然後又話mock要認真讀
依家又諗住study leave要認真讀
但原來從來都無認真咁讀過
到底我想點啊 -_-
同埋我依家好慘既係
科科乘出黎既precentage都同上面一個grade唔差得好遠
例如maths差3%左右就上到5
唉都唔知點算好 :-(
不過呢次考試有驚喜
就係ths竟然dbq高分過danny
我13/15佢10/15
不過mc同essay真係仲有大段距離
我唔會認輸架!!目標5 or above!!
----------------------------------------------------------------------------------------------------
話說呢個新年假我咩書都無溫過
又以應屆dse考生為由無去拜年
然後剩係留係屋企打機同打機
我真係未見過咁頹既應屆dse考生
我記憶中當年我家姐考ce同al都唔會咁hea :-(
話時話聽講當年佢al maths早半個鐘定九個字走拎左b
姐係差唔多等於依家既5*
我好懷疑我係咪親生 -_-
點解我maths會差咁多 -_-
死操爛操先得個4 -_-
----------------------------------------------------------------------------------------------------
講下d瑣碎事先
話說我好耐無踢波
然後我好似誤會左小小野 O_O
我一路以為佢地玩小圈子唔預我 (小學雞咩-_-)
但係我之後聽到另一個既版本好似係話佢地想預我
然後就叫個天才傳話叫我去
但係點知個天才懶醒以為我唔會想去就無叫我
-_-
真係好瑣碎既事 -_-
我好似誤會左唔好意思
sorry啦~原諒我啦 :-P
----------------------------------------------------------------------------------------------------
咁星期五就係last day
話說呢日返學聽既最後一首歌
係校長既無言感激
「歲月無聲消逝 講一聲真愛你 歌聲裡竭力獻盡每分
信念藏於心內 感激千千百句 即使我有淚笑着強忍」
對好多人好多事真係無言感激
話說上最後一堂中文堂既時候
我好堅強咁頂住無訓到yeah :-P
然後中文堂最後一條問題係我答架yoyoyo
仲要答岩左 叻叻豬 :-P
----------------------------------------------------------------------------------------------------
然後話說下午係farewell party
對唔住啊咁多位 (>_<)
我講得太長搞到大家唔夠時間多謝晒咁多位老師
sorry啊 T_T
浪費左大家早一日準備得咁辛苦既心機 T_T
我又唔會怪晒大鍾既
始終規則係10分鐘
諗住可以overrun只係我一廂情願又天真既諗法 :-(
其實係諗唔到人地可以我地唔可以囉 :-(
不過係講野之前仲好怕自己會講得唔好笑
會講得好悶
但係見到又聽到台下同學都笑得幾開心
仲記得講緊lte chiu果陣連校長都有笑
諗起都覺得好成功yeah :-D
----------------------------------------------------------------------------------------------------
話說farewell party後返左課室
好開心啊好多人搵我影相啊
其實我係咪好受歡迎而且又靚仔 XDXDXD
講笑姐 :-(
我都知我係實力派唔係偶像派 XDXDXD
咁因為約左食晚飯
但係未夠鐘我又唔受歡迎無人搵我影相
諗起呢幾年中學既事
覺得幾乎每個同學都幫過我好多
我好想多謝晒每個人
所以就出現左後來我係課室真情流露既一幕 (>_<)
因為要入正題講具體片段
所以劃下分隔線先 :-P
----------------------------------------------------------------------------------------------------
話說其實對自己熟既人講多謝會好怕羞又好緊張
仲緊張過farewell party上台果陣
所以其實我仲有野想講
但係有d人唔係現場
而且我又因為太怕羞又緊張又唔記得左講 (>_<)
咁我係blog呢到打出黎啦可能會無咁怕羞 (>_<)
總之多謝晒6A班咁多位同學
我記得我中四中五果陣做左既好多野
都係好白痴啊低能啊on9啊咁啦
另一方面又好內向啊好毒啊好宅啊咁啦
但係各位都無話特別唔鐘意我或者憎我
去到今年中六我先至叫做成熟少少外向少少
不過各位都好接受我
我有諗過其實我可能已經得罪人
或者惹左唔小人生厭
所以真係好多謝6A每個人肯接受我
我知道我仲有好多不足既地方
我會繼續努力改善自己架啦 (≧∇≦)
接下來就係bonus track B-)
我想特別多謝幾個人
首先係Jimmy
我記得我意識到自己有問題想改善既時候
其實我係無從入手
但係佢陪我傾左成三四個鐘
當中有好多真係幫到我既建議
同時佢都係一個好鐘意雞蛋裡挑骨頭既人
有時候有d聽落去毫無道理既批評
但其實諗深一層又發覺好似有道理
多謝Jimmy真係幫左我好多
跟住想多謝Panda
我覺得Panda同我好似
另外又好似阿哥咁照顧我
成日我三更半夜或者半夜三更咁搵佢
佢都係未訓 :-P
另外作為鍵盤戰士
無論我問無聊問題定認真問題
佢都實有會答案
又成日都俾正能量我
扮小紅帽真係好好笑 XDXD
無時無刻都會幫我真係好多謝你啊 (>_<) (>_<)
接下來想多謝果四個癲婆 :-P
就係Nokman,Kabe,大風同拳王
呢幾個人明明個個都唔同
有灰姑娘有公主病有癲婆有打拳既
但痴埋一齊就會覺得好無憂無慮
就算有咩唔開心都會唔記得晒
雖然只係好短時間同你上堂坐過一齊
但相處既時間係最開心既
我諗我呢世都唔會唔記得
得啦得啦去食手抓餅啊嗎
唔洗講咁多次既 →_→
原來公主病都唔係絕對無得救
估唔到咁易就知我秘密
癲又癲唔晒喎 :-P
仲以為我隱藏得好好 ╮(╯_╰)╭
好人黎既 -_-
成日請我食朱古力
差我好多早餐數幾時還 XDXD
----------------------------------------------------------------------------------------------------
話說我星期六屙到七彩 -_-
到底係邊個天才星期五晚叫左兩碟炒蜆
然後得果幾個人食 -_-
頂你地我一個人差唔多食左成碟
-_-
果日真係屙到想切左個屎忽 -_-
----------------------------------------------------------------------------------------------------
話說我係商中既回憶應該仲會增加
因為我決定左玩singcon :-P
我一定要入決賽
然後跳唱舊歡如夢 :-P
詳情請youtube舊歡如夢-李克勤
同埋Panda又應承左我合唱
快d教我唱歌啊 :-@
另一方面
若果我真係直入唔到u
我諗我可能會repeat一年
若果真係20分既話
係商中repeat應該會收
但係repeat左就任何事任何人都會唔同晒
所以我唔會忘記呢班人架
之前就怕唔記得
依家寫晒blog應該唔會唔記得啦 B-)
----------------------------------------------------------------------------------------------------
話說我仲未寫晒記念冊s
不過我好似大約諗到點寫啦
搵日得閒先寫啦 :-P
話說我係反反覆覆咁不斷諗
到底我仲有無野未打
仲有無好重要既野要打
好怕今日唔打之後會唔記得
所以打左五日都未打完呢篇 (>_<)
----------------------------------------------------------------------------------------------------
最後呢
雖然我無睇過灰姑娘既故事
但係其實我鐘意灰姑娘
(>_<) |
