話說好難搞既九月都過左一半

而我亦真係過得無咩大問題

好輕鬆~~~Yo

------------------------------------------------------------------------------------------------------

變變變

話說一下子覺得自己變左好多

其實我自己都唔係好慣下

改變真係一件唔容易既事

由遲到變唔遲到

由七點十一起身到七點四起身

由宅男到脫宅

其實都未脫得晒haha 只係脫左ACG ~.~

仲係會百無聊賴咁留係屋企

由哈密瓜到藍莓

講緊香口膠既味道haha

食左四年哈密瓜味

真係唔太慣~.~

不過我想全部野都改變下試下

------------------------------------------------------------------------------------------------------

話說有樣野真係估都估唔到

就係k-pop到依家都仲heat

我仲記得我form1定2有一段時候好迷

當然都有跳啦仲洗問既 -_-"

唔好講呢d 諗起都覺得怕醜豬 >_<

今日係無意之中聽到ring ding dong

身體好似不受控制咁想跳

好鬼白痴haha

好彩無跳到姐

>_<

---------------------------------------------------------------------------------------------------

話說早兩日發左個夢

發左個好開心既夢

但係我已經唔記得左

................................................

咁點解我知係開心?

因為我係開心到醒

笑住咁醒

訓教發夢發到笑醒真係第一次

但係我已經唔記得

醒果陣都仲左少少零星既記憶

但係返訓之後就唔記得晒

我真係好想發多一次個夢

真係真係好開心

-------------------------------------------------------------------------------------------------------------

以上可見我已經詞窮

其實我中文好差 :P :P

話說聽日英文SBA

要4人做12-15分鐘既討論

我真係無咩特別擔心

我覺得我可以lead得到

其實係咪應該用"carry"呢個字型d haha

我聽聞打lol果班人成日咁講

男人點可以無自信

係咪咁話先?!?!

我一定會lead住個討論!

唔夠時間由我頂!我黎講晒佢!

型到核爆 仲唔溝死女?

hahahaha :D

---------------------------------------------------------------------------

既然講開英文就再講多少少

想要英文討論做得好

除非寫稿背稿

如果唔係真係好難

因為我地既英文係ESL

姐係English as a Second Language

係講英文既時候

我地會先用母語思考

再翻譯做英文

所以我地英文唔夠流利

而解決辦法係直接用英文思考

好簡單舉個例子

一目十行英文係咩?

諗死人咩

用英文就求其read quickly咪算囉

所以話想英文好

其實只有不斷聽同不斷講

我真心覺得做100份reading不如做10次oral

咁樣先可以真正提高英文能力

不過都要睇你點定位

如果真係純粹ESL既話 識講就好足夠

但係vocabulary呢d英文考試最需要既野

真係幫唔到手

用咁難既字做乜鬼野姐?! 痴線

你要vocab既話考我做乜姐

考本字典好過啦!

唔講啦

--------------------------------------------------------------------------

其實依家真係唔知點算

谷上去又唔係 唔谷上去又唔係

唔好再話我係potential student

由小學到中學個個都話我係

但我無可能係呢個教育制度之下成功

試問一個小學到中學背默默書未合過格既人點背野

我作為一個極依賴右腦思考既人

我對文字極不敏感

我要用圖像處理 全部都係

無記錯我左腦得52 右腦有72

所以我真係唔係potential student

-----------------------------------------------------------------------------------

無聊一提 :

我其實想放膽d大膽d

做左先算 講左先算 去左先算

不過衝動係魔鬼啊!!!!!!!!

啊!!!!!!

我真係唔知點做好 -_-

點算好啊~

其實我呢排做咩事

點解會成日上黎打blog -_-

我其實非常之忙同好忙仲好鬼忙

------------------------------------------------------------------------------------------------ 

話說琴日就我既生日啦

仲有中秋節既

首先好多謝一大班同學幫我慶祝生日

咁大個仔第一次同朋友慶祝 >_<

鬼叫我係屋企宅左幾年 >_<

不過我無後悔 真既

雖然我可能係錯過左好重要既野

但係學識左"錯過"呢樣野就得

之前聽過一個人講過

錯過其實唔係錯左 只係過左

做任何一件事都有其意義

唔會有一件事係無意義

所以我唔會後悔

--------------------------------------------------------------------------------------------------

話時話我果日先講完要keep住宅

呢兩日就已經選擇左脫宅呢條路 -_-"

其實宅都宅左幾年

漸漸覺得宅無咩特別 ~.~

不過如果話脫宅呢條路係我選擇既

不如話其實係環境迫我脫宅

一個又一個既標籤

不斷咁衝擊宅文化既生存空間

再加上宅對現實生活既缺失

根本無可能一世都宅

算啦我唔深究落去

因為我好似就黎會講錯野hahaha

所以總之我就脫左宅啦~

-----------------------------------------------------------------------------------------------------

話說琴晚玩得好開心

多謝大風買左蛋糕

多謝Kabe無同我爭俾錢

多謝keyman幫手拎野

多謝諾汶拎好多野過黎玩

其他人就唔多謝啦 鬼叫你地遲到hahaha

連我都無遲到 你地遲到咩意思先 :P

其實都唔係玩左好多野

都係食野吹水玩螢光棒蠟燭咁無咩特別姐~

-------------------------------------------------------------------------------------------------------

無聊一提：

頂邊個同我再爭俾錢就無friend做架啦 :@

雖然我爭Panda錢

但係有d野係一定要我請

仲要女仔請我根本就係無可能既事

諾汶都係咁話

其實係咪因為我之前講過話鐘意食軟飯所以出事 -_-"

呢個我只係講下笑 唔洗太認真-_-""

-----------------------------------------------------------------------------------------------------------

呢排好似瘦左 我好似見到我六舊腹肌

係咪聽到都覺得正先? :P :P :P :P

bye bye~~

上黎交代下

我呢幾日就搞掂左幾多野

中文做晒

通識又做左一份

ths亦都有溫 不過未熟

 [通識mode]

所以我既自尊五感提升左好多

因為克服左困難haha

---------------------------------------------------------------------------------------------------

呢到真係超級不定時

完全係想打就打

夠膽一年唔打一次

夠膽一星期打兩次

-_-

---------------------------------------------------------------------------------------------

話說其實我好鐘意講人笑

但係當人地講我笑既時候

我原來其實唔識回應 -_-

我唔討厭人地拎我開玩笑

絕對唔討厭

講完笑大家都開心 我又開心 有咩所謂先

大家搞下笑 笑下幾開心

係咪咁話先 :D

不過有時被講笑真係會無言以對

我又唔想搞到我好似唔可以俾人講笑咁

點算好呢

-----------------------------------------------------------------------------------------------

話說今日pe堂我無帶衫

然後要度高磅重

咁我就幫手寫低佢地既數據

最後我發現全部人都量晒

得我一個被遺忘左 T.T

之後我亂寫左175cm同60kg

真係講都無人信 -_-

好白痴hahaha

-----------------------------------------------------------------------------------------

話說開學到依家未遲到

叻叻豬 <3

要keep住落去啊我!!!!

然後我呢兩日食齋

發現食齋之後訓得好左

睡眠質素好左好多

本身係無為意咁第一日食左齋

之後訓教訓得好舒服

有意識既就只有未訓同聽到鬧鐘

訓醒完全冇想返訓既感覺

然後就諗係唔係食齋所以訓得好左?

所以又食第二日

結果都係極好

所以我決定盡量食齋

不過食齋會好快就覺得肚餓

明明午餐碟飯飽到食唔晒

但係放學返到屋企就肚餓 -_-

不過唔會返訓真係有效解決遲到問題~

-----------------------------------------------------------------------------------------------------------

無聊一提 : 

無禮貌 無大無細 又非親非故

係我屋企我係主人你係客

點解可以完全唔尊重我?

最基本見到人要打招呼應該係常識

借我屋企住仲要唔尊重我

我只想你快d走

你當係我求你啦好嗎

--------------------------------------------------------------------------------------------------------

下星期一我生日!!

好期待的說 >_<

bye~

好快又上黎打

對上一次打都只係無耐

我呢個blog真係超級不定時打

可以一年都唔打一次

又可以一個月打兩次haha

其實上黎打blog我覺得係一個紓緩壓力既方法

或者係留低快樂既方法

而上次係留低快樂

今日係想紓緩壓力 -_-

------------------------------------------------------------------------------------------

話說之前踏入暑假尾就好忙好多野做(功課)

果頭搞掂晒功課諗住有得輕鬆下

點知又有勁多野要搞

首先係中文要新聞評論

然後要睇張居正

英文要準備SBA

Maths就自己想讀好少少

通識又有兩份野要做

ICT...有SBA不過我放棄左

THS

潤峰advise我去re-test唔通我可以say no咩

-_-  -_-

然後中文同通識又有test

痴線我form6開左學兩日

上左堂一日

就同我講九月有以上咁多野要做晒佢

我都唔知可以點 -_-

好彩我有ict同英文堂幫補下

如果唔係我真係唔知點抽時間

無辦法 係屋企做野既效率係真係會特別低

咁樣打晒要做既野出黎之後

又發現其實好似唔係好多野要做haha

所以其實只係我俾緊壓力自己???

唔驚喎我又唔會跳樓既

--------------------------------------------------------------------------------------

無聊一提 : 

我好緊張好緊張好緊張

但係我唔知緊張咩野

----------------------------------------------------------------------------------------

除左chelly nagi之外

最近又迷上左另外一個歌手yuiko

另一個名係yuikonnu

好鬼正啊

-------------------------------------------------------------------------------------------------

無聊二提 : 

我唔覺得鐘意睇動漫有咩問題

其實等同有人鐘意睇小說睇電視劇睇話劇一樣

我覺得只要控制得好就得

唔好超級沉迷落去

因為係兩個完全唔同既世界

二次元係二次元

三次元係三次元

我識得點分 亦都分得好清楚

分唔清楚果d係毒撚

所以話一個人其實有好多面

會有好多唔同人格

就正如我係學校會好外向

但係屋企會靜靜地或者聽下歌

但其實都係我呢個人

無論少左邊面都唔得

我好似認真得濟hehe~~~

唔打啦拜拜~~~

我要加油衝過呢個九月!!!!!!

大家好啊~~我返黎啦~~

話說呢幾日又返轉頭忙返ies既野

之前好似一路都無講過我做ies既情況??

咁今日就講下我做ies啦

話說其實我今年1月中先突然醒起要做ies

然後又勁hea啊唔想做啊bilibala

好多原因唔想做啦

總之就唔想做啦

其實好正常

沒有人先會鐘意做功課

"沒有人"係一個人

佢好鬼鐘意做功課架 :P :P

然後到3月中我就發覺好似奶奶地野

因為唔知咩原因今年既ies要比往年早收

無記錯4月18要收

咁我就覺得奶奶地野

然後就每日都開工

其實講真我依家都唔係好記得幾時做起

如果睇返我d聊天紀錄就係3月尾開始做

果陣用左1個星期左右

幾經辛苦

終於推翻晒之前做既所有野0.0

唔知計劃書定初稿定定稿

總之之前有做過幾份唔知咩野

不過果幾份都係拎人地果份改字

例如我做壓力佢做音樂

就將音樂改晒做壓力

改唔到先再慢慢諗

而係我做最後要交果份既時候

(我唔知叫咩名,最後之作?魔法禁書目錄?)

發現之前做既野非常之不知所謂

除左幾份source之外全部都無用

咁姐係我份最後之作係要由頭到尾做過同諗過

用左一個星期左右

諗好晒前面既野

eg,研究目的,概念定義,文獻回顧,etc

之後又要做訪問同問卷

得返兩個星期左右

做訪問根本就係問人地有咩point

然後用自己既字去作文

我前後問左青少年,留學生,家長同教師

姐係作左幾次文

問卷唔洗講都明點做

心照啦 （←__←""）

呢part最煩既係要錄入電腦

要就咁打幾千字訪問入電腦真係幾麻煩

然後又得返一個星期左右

要做最重要既討論部份

反而我覺得呢part超容易

其實就係分析資料同俾人睇到個結果

我要人地知道

青少年有正確的紓緩壓力方法

咁就狂"根據XXX的結果"

例如訪問教師同家長

得出原來青少年紓緩壓力既方法都係正確既

wa~~就係咁

亦因為之前錄入晒

copy&paste就得

然後就到反思,總結同建議

因為聽聞呢幾part唔係太重要就好求其咁幾行字寫完

跟著就做完

Yeah~

然後到5月6月左右

阿sir話我份野全班最好最高分

我當堂O左嘴

佢話有7分8分左右

因為衰爛尾

如果改改佢可以有8至9分

馬上就有一種好奇怪既感覺

人地死做爛做有8至9分

聽聞好多人都係超勤力由f4做到要交既最後一刻

但係我2,3星期做完又一樣分

呢種感覺叫咩? 唔識講

-------------------------------------------------------------------------------------------------------

咁點解我呢幾日又忙返ies?

因為想扮埋果2分佢

就係咁簡單

結果就忙左幾日

其他功課做都無做過oh shit

---------------------------------------------------------------------------------------------------------

話說18號去左迪迪尼

係咁依講下發生咩事啦

因為其實係去迪迪尼酒店聽野同參觀

之後先玩

換而言之其實玩係次要

不過我地當然係玩係首要啦仲洗問既-_-

我覺得"沒有人"會想聽酒店講野同參觀

不過有伏筆所以講一講

佢話佢地既四大品質標準係

完美演出 快捷有效 殷勤有禮 安全至上

不過我覺得如果成個樂園都有冷氣包圍既話先符合品質標準囉

好熱啊

熱死人咩

痴線 :@

話說都唔知算唔算玩左好多野

不過真係幾有趣

有一個叫飆上灰熊山

唔google都唔知叫咩名-_-

玩左幾次

不過果隻死人熊都唔夠膽落黎隻揪既hahaha

次次剩係識得係上面亂叫

之後又有個叫飛越太空山

唔google都唔知叫咩名-_-

嘩呢個真係嚇死我

入到去個隧道黑媽媽乜鬼野都睇唔到

嚇到我痴肺

有病

好似就黎死咁

唔好提啦

然後有個叫迷離大宅既冷氣好涼好正

唔google都唔知叫咩名-_-

中間又識噴水 又有一到好大風好涼

超爽 勁正

啊 仲有

佢中間有個大炮會射去乘客果到

係佢射果下我即刻大叫

嚇到黃諾汶飛起

笑死

其他仲有我發現肥其實都有好處

話說排緊隊果陣有中國遊客想插隊

Jimmy一屁股甩埋去即刻頂住左佢地

笑左

之後仲唔知死想突破我呢邊

Jimmy同我企直個人即刻封晒路又插唔到

笑左

話說Jimmy呢年瘦左好多下

咁以後咪好容易俾人插隊?!?!

-------------------------------------------------------------------------------------------

無聊一提:

去完迪迪尼之後好似好病

蝗蟲病毒有無咁勁

感覺好攰好攰好攰

-----------------------------------------------------------------------------------------

再見~~

 話說今日派成績表

Yo~

其實應該Yo左先???

嘛算了

收到成績表果陣真係幾開心

雖然唔係話真係考得好好

但係見到自己有努力有進步真係幾開心

特別係見到下面果個評語

"Some progess has been made this term.

Clever student with potential in learning"

有咩開心得過努力得到人地認同

而且下學期每份卷都合格

想想都有些小激動

全班4 全班99

終於離開左3位數

不過講真 呢次考試我自己覺得

um....

係有少少發揮得水準之上

姐係我都唔知 可能其實我無進步

只係咁岩好彩

呢個暑假真係要好好努力讀書

下年都唔好遲到 今年total 40次

報完喜就報下憂

ths差到仆街 差到不堪入目

仲話想過Danny

開玩笑?

但係都係果句

"我唔會認輸架！"

專注ths三百年...

我覺得我得

我覺得我做到

--------------------------------------------------------------------------

無聊一提:

我將來想做教師或者酒店

------------------------------------------------------------------------

無聊二提:

阿根廷入左決賽!!!!!!!!

加油打底德國!!!!!!!!!

Vamos Argentina!!!!!!!!!!!!!!!!

----------------------------------------------------------------------

lte chiu: byennnnnnnnnnnnnnn~~~

 Hello~~

仲有大約一個星期就考試

考完試呢就睇世界杯

所以依家得閒就上一上黎打下無聊野

反正遲d考完試打既野就唔無聊架啦

咁樣並唔符合我做事追求無聊既原則

所以依家得閒就上一上黎講下無聊野

------------------------------------------------------------------------------------------------------------

咁話說要講咩無聊野呢?

無錯,就係講發夢啦

小弟近呢一年都發左唔少夢

但當中有4個係最印象深刻就拎出黎講下

不過因為發夢會有好多唔合理既地方

所以好多野都無得解釋

-----------------------------------------------------------------------------------------------------------------

第一個都幾耐之前(約半年)

話說我搭緊輕鐵返屋企既時候

去到我樓下果個站我唔知點解無落車

去到下一個站要上橋

但係條橋突然就變左條隧道

一通過左條隧道就去左屯門

但係係一個我唔識既地方

.......................

咁點解我知係屯門?

因為等車果個牌全部都係去屯門碼頭方向

而且突然天又勁黑

好似凌晨三四點咁樣

但係個輕鐵站就有好多人

跟住有架輕鐵埋站

路軌上面突然出現左一隻喪屍

架輕鐵一野就輾左過去

成個輕鐵站既人都好驚

爭相走避

而我又on居居咁跟住一齊走

不過我走左去一個唔識又無人既地方

好郊區feel既

我勁驚,然後又唔知點算

就原路去返個輕鐵站

然後發現個輕鐵站已經勁多喪屍

完

--------------------------------------------------------------------------------------------------------

第二個夢就近三四個月發既

而且比較短

話說係學校小息果陣

我坐左係後面個位果到

跟住其他同學都自己做緊自己野

我見到劉國寶向我既方向行緊過黎

咁我就好人幫佢拉開張凳俾佢坐

點解佢就用一個不屑既眼神望一望我

然後行左去前面

一野攬住女同學膊頭

跟住我就勁嬲

衝左埋去一拳打左落去

之後我就醒左

我記得我醒左之後我仲喘晒氣

諗返起都覺得勁嬲 :@

----------------------------------------------------------------------------------------------

第3個就比較無厘頭

話說我去左選議員

唔知係選區議會立法會

總之就係選議員啦

咁係投票日之前我一路都領先緊

跟住去到投票果日

咁我就落區拉票

然後係我演講緊既時候

張恆恆出現了

佢無啦啦大鬧我講得唔好

話我講野又無主題句 又無論據 又無申述

然後其他人聽到就紛紛認同

"係囉係囉,唔好投佢啦"

然後我就選唔到了

最衰都係恆恆豬! :(

----------------------------------------------------------------------------------------------------------

最後一個就琴日新鮮滾熱辣發既夢

不過唔知點解又見到恆恆 =.=

話說係一日放學後,最後果堂係ict堂

咁我就離開電腦室既時候

有人問我"你去邊呀?你出去?你傻左?"

我覺得好奇怪啦

追問之下先知原來係類似世界末日既情況

學校要學生全部去電腦室做記錄

睇下有無返學,死傷果d掛

其實我自己都唔明

但係我要返課室

唔知點解要返課室

出面個天空好恐怖

一時勁光一時勁黑

仲間唔中有幾下閃下閃下

地下又震下震下咁

然後我返到課室之後見到恆恆

佢話"咁耐既?坐低,我地開始解呢篇文章"

我又真係坐低聽佢解

佢解篇文果陣出面個天都係又勁閃又勁黑咁樣

但係恆恆好似無事咁

之後解左一半果陣佢話好累要抖下

就扒左係教師檯到

我就勁驚因為出面唔知咩事

入面又唔知咩事

然後我就醒左了

---------------------------------------------------------------------------------------------------

最後果個夢我真係覺得好驚

因為個環境真係好真實

無論係地點,人物,事情,景物都真係有發生咁

不過其實發夢就總係不可思議架啦

所以其實我都唔係好執著於呢幾個夢

------------------------------------------------------------------------------------------------

無聊一提: Form test THS

我同Danny同分

距離目標近左少少

不過真係要努力

考試見真章

今日真係經歷左生死時刻

不過過左十二點

應該係琴日至岩 :P

話說琴日我又唔小心遲到

信我,我係唔小心,堅係唔小心 =.=

咁我就十點四左右出門口返學啦

咁我等lift啦

咁架lift到左,然後我當然入左去啦

入到去禁"G",然後禁"關門"

之後架lift落左一層

去到31樓 (我住32樓)

突然chok左一chok

勁驚囉咩料呀!!!!!!

然後開門

但係又開唔晒, 只開左1/10左右

等左3秒

3,2,1,

又chok一下

仆街!!!!呢下仲驚過上一下

姐係咁

如果上一次chok係chok斷左1條纜

架lift仲頂得住

但係第二次chok就真係仆街啦

其他纜斷晒咁就唔係生死時刻而係電"纜"驚魂啦 =.=

無事無事 虛驚一場而已

然後對門開到啦

出面有個阿婆 60-70左右啦

佢講左句

"嘩咩事呀"

然後走左入lift

喂你覺得有唔尋常就唔好入啦呀大佬

搞到我唔知叫唔叫佢出去好

當我猶豫不決既時候已經關左門了

However,架lift無落去地下

但係佢顯示佢係地下

然後上去

咩事呀!!!!!!!!!!!!!

係上去既途中

個阿婆話

"哎!!乜架lift上去既?!"

然後佢想伸手去禁地下定唔知想點

我叫佢唔好禁

之後架lift上左去40樓

我就問個阿婆不如搭隔離架lift啦

佢話好

咁就完啦

 ---------------------------------------------------------------------------------------

無聊一提:

交電話費要欲擒故縱!!!

 Happy New Year!!!!

差唔多成4個月冇上黎打blog啦

好耐冇見~~Yeah~

-------------------------------------------------------------------------------

我呢排搞咩???

冇呀都係遲下到,上下堂,做下功課,溫下書咁囉

認真,今年唔覺唔覺原來我都F5了

仲要F5過左差唔多一半

數數手指

國足:留給中國隊的時間已經不多了

我:留給DSE的時間已經不多了

依家唔讀書

唔通等DSE考1122先讀?

講出黎可能好on9

其實我讀書係為左過Danny

話說Danny係一個考試考得好好既人

但係佢係痴痴呆呆果類人

姐係可以一日內將一本通識notes背晒既人

又可以記得上年上堂個阿sir教左d咩

我其實好佩服呢種人

"將勤補拙"

明知自己唔夠聰明

但係為左成功,付出200%既努力

所以佢成績可以咁好

但係我唔認同呢種行動 (通識?!駁論?!)

正所謂 成功是1%天分+99%努力

呢句話有4種可能

1. 又冇天分又唔努力=失敗

2.有天分而唔珍惜 唔去努力=暴殄天物

3.冇天分 但係好努力=Danny

4. 有天分又努力=成功

我覺得努力只要有意志力就有

你肯捱,肯接受錯折,你就可以努力

但係天分係天生既

我自問唔算絕頂聰明

但係我認為我思考速度係比一般人快

但係我唔努力 唔肯背野

所以我在呢個香港既教育制度上失敗

我覺得呢個制度根本就on9

同產生成功既方法完全相反

要成功要天分+努力

而但係係教育制度下成功卻只需努力

結果浪費了一個又一個有天分既學生

我努力既目標係超過Danny

以印證呢個教育制度既失敗

就正如sin,cos,tan

d maths老師成日叫你背sin30,sin45,sin60

其實我知道唔洗背

因為有計數機

禁完之後會出小數,只要Ans2次就得

之後就要用小小腦 可能係開方(3分4)

咁姐係開方3分2囉

就係咁,全部都計到架

總之我要以我自己既方法 

推翻呢個教育制度

--------------------------------------------------------------------------------

雖然暫時我好似走緊一樣既道路

呢2日不斷地做通識 背ths(旅遊與款待)

但係就算要與全世界為敵,都要堅持自己既立場!!

你要做一輩子懦夫,還是英雄,那怕只有十分鐘!!

-------------------------------------------------------------------------------------------------------------

無聊一提:

好多ths野都唔知溫唔溫好,

例如 tourist codes of behavior, 

不管如何,要努力!!!!!!!!

----------------------------------------------------------------------------------------------------------------

無聊二提:

yanaginagi d歌好好聽!

呢排聽到上晒癮 又有Chelly醬既歌

loop住輪 輪住loop ~~

Yeah!! Chelly醬最高~!~!~!!~!~!

--------------------------------------------------------------------------------------------------------

拜拜囉

~.~

 話說頭先岩岩睇先一部動畫

叫"Another"

係一套推理+血腥既動畫

係我印象中除左corpse party(屍體派對)

我冇乜睇過血腥既動/漫畫

話說我等左好耐先有得睇Another

恐怖片就梗係要夜晚睇架啦

呢幾日阿媽都係屋企

冇夜晚4點都唔熄燈訓教

終於!!!我等到今日了~

一次過睇晒成套

(爽)

劇透就唔係我作風

有性,

興趣,

就上pps,tudou,youku,ect

自己搵啦yo

------------------------------------------------------------------------------------------------------------

睇完之後好驚驚  >_<

驚驚豬  >_<

自己一個睇,淆底係應該既....

同朋友睇淆底會被恥笑sosad

:-P

-------------------------------------------------------------------------------------------------------------

我想踢波

但係好熱唔想踢

依家唔踢我驚遲d想踢冇得踢

唉,

生生性性啦足球隊

---------------------------------------------------------------------------------------------------------

無聊一提 : 發唔發覺條分界線長左好多-_-

無聊二提 : 

So everything that makes me whole 

今、君に捧げよう