由於冇時間寫既原因,所以冇寫blog幾日,喺依幾日入面,真係發生左好多事...
4月7日,聽到佢地話去bbq,我就番到屋企善用時間玩左場信長...點知突然又話聽日先去...我同靈佢地去左打波,由3個人打到十幾個人,有男有女,都幾好玩,仲有我d-6走藍都開始見到d碌運喺我身邊...
嗰日真係幾正嫁!打波打左成5,6粒鍾,打到成個人都散哂= =!
4月8日,我朝早7點幾就收到豪哥電話,一齊去跑步,吹下水咁,我仲一次過跑左5個圈!可能係唔夠氣,頂唔順啦,跑到我上氣不接下氣,真係好辛苦呀!
我同龍,豪食完早餐,之後番左屋企喇.
我仲諗住2點幾先出去bbq,同磊哥玩左陣勁舞同信長,點知豪哥(都係咁打泥話依家出去)(應該係12點幾),搞到我即刻閃人.
去到屯門,同樹佢地係咁行,終於我地就行左入去買左幾個袋(唔係我買,係豪,樹,龍),仲自認係風塵三俠= =
我地3點幾去到蝴蝶灣,見到希,仲係得佢一個!跟住我地吹左陣水之後見到神,我同神出去買野飲,行行下見到華英佢地班女仔,佢地都幾...
佢地番到泥就玩左個"Q那"既GAME,發覺都幾好玩,又可以睇下人地D演技,係一個唔錯既GAME泥既.
本身得6條友玩,跟住玩玩下連華英佢地都話玩,但係由於演技既問題所以玩左一陣就走左喇= =
之後都係BBQ既,仲B左成2,3粒,我地仲發覺係唔多夠野食GE,所以我地就全體玩"Q那",由於我太似"Q那"喇,所以個個都懷疑我,次次都係咁
= =!
跟住又玩左獎門人個GAME,我唔知叫咩名,只係知道係昆下人,換下卡咁,夾埋都玩左2粒幾= =!
之後D女仔話洛沙灘玩經典既GAME"誠實與大膽",但係始終都係冇玩到,轉左吹水,吹下邊個憎邊個D野囉= =,又喺度串下人咁囉,咁就吹到12點幾= =,仲有嗰度好鬼凍,令我諗起"當晚與你記住蒲公英,今晚偏偏想起風的清勁"
我地足足等左成2個字先至有車搭,搭到坑尾村,我地就洛車,仲玩左個好正既"GAME"...仲係人生既第一次...
就係成班友為左過對面"飛的",不惜集體墮軌,首先由月台跳洛路軌,然後再飛奔兩條路軌,再爬上石博,跟住就誇過欄杆,再過對面馬路,等左幾min就擮的士,但係唔係我上,再等多幾min,到第二部先有得上,去到天頌洛車,自己一個行番屋企,又凍到死,令我諗番起我作過既"寒夜的街道"
番到去都成點幾2點,沖埋涼,洗埋頭,刷埋牙都成3點喇...
講番今日喇!朝早比人call去唱k,但係我老豆又喺屋企,煩到死,又唔比人出去,搞到訓到成12點幾,食埋lunch就開機...開到依家又俾人嘈...
諗番起琴晚bbq真係好鬼開心,可以脫離煩惱咁玩番晚,吹下海風又幾涼爽,真係好想快d再去b過呀!
|
