今日遲左出門口,一落樓就見到kai靈,佢又係岩岩出左樓,佢仲沖出泥叫我,之後佢話未試過遲到亦都唔柅遲到,於是我地2個就急急腳咁行快幾步喇...

去到商場仲跑埋姐,真係為之後個活動做足熱身運動既姐- -

最後都順利咁番到泥,不過成身濕哂姐...

上到去見到成班人睇側田vs曹格...我就同基哥一齊做數獨...

...

落到去第一個game就係互相背對背起身...冇記錯既話...

之後就成班一齊起,我地班做一次就搞掂,起身果下好似有道力拉我起身咁,所以好輕易就起到身...唔知其他人係咪同我一樣都係咁樣起身呢?!

之後就玩訓氣球...冇記錯既話...

佢地個個都訓齊哂,連馮sir都訓埋一份,我地仲係咁搖馮sir,仲慢慢數10聲,好似好想佢爆咁...

跟住好似玩過河...冇記錯既話...

我地一個木頭就放3隻腳上去...好似愈擺愈開咁,差d趺左落去...

好彩我地都算係做得快姐...做完過河之後 d人勁無聊咁攞d木頭去玩層層疊- -

之後就係玩"用最少既木頭泥令全班人企上去而10內又唔趺落泥"

最後用左8個木頭...算多嫁喇...唔知邊班只係用左7個...

...

下半場喇...玩游繩組...聽d導師講到咁恐怖...又撞爆頭,又爆肋骨,又斷手,又死咁樣...搞到d人淆淆地...我都有d淆既~

到落場玩喇!豪哥竟然身先士卒,第一個話試玩先...d人o哂加拍爛手掌...咩都抵哂啦佢...

一開始見到俊膠好似玩跳樓機既姿勢咁慢慢放落泥...完全冇LV動作- -

最好笑都係榕姐,佢係咁叫,又話好驚...好似喊哂咁,但係最後都唔慢咁落左泥...

龜良都好正,喺度un下un下咁,又卡下卡下咁落泥...落得勁樣衰,又勁慢...落到泥梗係比我地串死啦...

梓浚兄落泥果陣時都好正,d人係咁大艾"淳淳係下面等緊你呀,佢番泥睇你嫁..."咩野都講= =

潼姐真係有料到,落緊泥果時好似d特工咁,彈下彈下咁落泥...好勁呀真係!

...

我都算遲...第28個...因為要迴避一d野...

臨落去既時候...我叫馮sir玩下...馮sir叫我幫佢拎"嫁餐"上泥...

一出去果下真係好驚,驚自己隻手捉唔住趺左落去,之後馮sir叫我拎開左手,舉個v字影相...果下個心都離左...勁淆...

好彩最後都冇事...嚇死我喇!

落緊泥果時唔知邊條kai子同我揮手...我咪揮下囉...點知落落下突然有個傻佬叫我唱歌嫁姐- -

都係唱左飲歌"娃娃"果幾句..."沒有他~很想 ~ 去捕捉他~~~..."

落到泥又比人話我kai子...唱咩野丫- -

漁民話"真係慘,又3比人叫唱歌,又要比人話kai子..."

-,-

不過呀sir話最遺憾都係翠儀冇落...見到佢個樣咁慘,馮sir唯有安慰咁話"唔緊要嫁!我幫妳完成佢!"

之後馮sir叫我地伸手搭喺佢隻手上面,講左d鼓勵既說話...之後就同我地影左d"遺照"...然後就"上路"喇...

銘哥幫馮sir影相,喺上面影完之後就一齊跑落地下繼續影...我,敬文兄,銘哥都跑到死死下...

馮sir仲喺2樓上面擺左d  po士,真係好抵死>_<

之後a班既miss都落埋泥...羸得全場掌聲...

之後華英算係壓軸咁落泥...好多人支持佢...睇到都緊張埋一份>_<

...

番到入面,導師幫我地做番個總結...令我諗番起上次活動既事...真係有d感觸...

話咁快就完左2次活動,真係有d唔捨得...呢2次活動都學到d野...喺呢度都真係要多謝下d導師...令我(地)明白左d道理,有人仲話令我地團結左...正如馮sir又話"我地唔係師生咁簡單,我地係一家人!"...我都好同意...喺呢2日既活動入面我地都盡哂力...縱使有人唔得都好...盡左力,問心無愧,對得住人地,對得住自己,得失又算得係咩呢~

最後,我想喺度多謝有份擺個心喺呢2次活動度既人,有笑過既,有哭過既,做咩都好啦...總之我地都係一家人麻!

希望泥緊既日子都好似今日咁...互相支持,互相鼓勵啦!