差唔多過左一個月先打番個R吻包膠
但係今日撞正心情麻麻 , 希望唔好影響包膠既事實既全部
第一日3月29...由於我冇跟傻仔磊車, 所以就唯有自己去屯門坐船過去 , 最慘既係...我2點3先醒 , 搞完一大輪先出到門口....結果就趕唔切3點8既船
變左6點2夜航...好雷
過到R吻 , 就去左銀河賭左幾手 , 咁就67了 , 輸了...
之後就過拱北關去北京酒店 , 但係我飛完看過到去都已經9點幾 , 同傻仔磊傻仔基食宵夜 , 再去對面7仔掃貨
第2日3月30 , 同傻仔基先過R吻諗住捕下台灣組合TWINKO , 因為佢地都去左R吻
先食個伏早餐
再去R吻周圍行下
這是漁人碼頭
行到咁上下竟然發現左R吻版公展會 , 香港果個我就未行過 , 而家見到R吻版就入去行2個圈啦
D人多到....同埋D野唔岩我 , 所以真係行左個圈就走左
行完人魚碼頭就正式去威尼斯人捕人......同時亦都入去玩幾手
入面個商場 , 雖然唔係第一次行 , 但係再行都係會盪失路
喺度捕左4個幾鐘 , 我同傻仔基講 , 我覺得佢地應該會7點幾8點先落黎...
咁就做左神燈既開始.....
話說傻9傑同廢煒都過黎R吻玩幾手 , 結果我口多叫左佢地過外港等 , 咁就67了
正當我上左車去接果2個傻仔既時候 , 一睇埃豬先知目標人物落去行....燈到應一應....,
之後我地一行4個就番左拱北食宵夜 , 而果2個傻仔就去左春尚唔知做左D咩了
而其餘3人就番左去飲酒...
咁又完左一日...
3月31號
話說磊哥話有女帶出黎比我地認識認識下 , 咁當然另外2位賭徒已經一早過左去博殺
得番傻仔基同我仲有傻仔磊 , 而佢女友亦帶左2位室友定同學出黎玩
等到3點先出到黎見面同埋玩跑跑卡丁車
今次我仲撞到人地個頭盔有裂痕 , 尤其是有一下我開勁快咁撞落去傻仔磊部車度 , 我睇住頭盔果層膠好似玻璃咁裂哂
不過都叫做學識左點樣過彎過得快D...
車完竟然係做計動既時候....去到珠海都要行山....
賣隊友先
 
總共行左2個鐘....行到腳仔都軟埋 , 行到腳震
山又行完 , 有人提議食辣鍋 , 間野個名我就唔記得左喇 , 不過人地已經好就我了 , 不太辣
而當中有一位同我個性格真係有D似 , 又係好打機 , 最堅既係佢見面開酒飲...我都嚇親
不過最最最O咀既事係....我終於搵到知音人 , 佢唔戴眼鏡既原因係...睇野濛瀧D先好 , 有濛瀧美 , 我不嬲都係咁講 , 對此觀點我表示十分認同
終於黎到重頭戲 4月1日...
話說台灣果個團喺4月1號就番台灣 , 我當然唔可以錯過最後一日捕團既機會 , 我1點過到去R吻
諗住再捕多次.....咁就奶野\ , 燈到傻左
我跟 傻仔磊2人 去到葡京果邊行街 , 諗住行一陣先去機場捕 , 因為我31號既收到風台灣團晚上機 , 而最早果班都7點幾
諗住行一陣再去機場都得....咁就燈中左啦 , 睇埃豬先知目標人物再落去行....
我心諗如果一早跟傻9傑佢地去威尼斯人咪會捕到應一應囉....
我果陣真係想喊出黎 , 即刻賣甩PAIR人跑過去葡京R車搭 , 點知好死唔死我又盪失路 , 再10米狂奔番去大三巴果邊 , 再一路靠北跑到去葡京
總共哂左半個鐘先上到車...
過到去再行左個圈行到4點先知伏已中 , 拿拿林跑去停車場R機場車搭....
我4點半到機場 , 再睇清楚長榮航空個櫃位幾點開 , 之後我就慢慢參觀下R吻個機場....其實好細 , 比香港果個細勁多
機場地下個入口
機場1樓客運大樓
我再睇下個鐘 , 4點9 , 我諗如果佢地係19:05機既話早2個鐘到機場 , 應該都差唔多時候會到 , 不過我都做左心理準備佢地會係8:30機
跟住我坐左一陣 , 見到個好熟悉既身影 , 埃豬所PO過既粉紅色外套 , 再加埋個側面 , 我好肯定呢個人就係篠崎 , 於是我就9衝左上去 , 喺篠崎身後叫佢 : AE..篠崎!!
佢好驚訝咁望住我：哇沙子😝。你等了很久嗎。過來拍照😙
之後我對左d魚仔餅比佢
佢一見到D魚仔餅就勁開心：哇 是魚仔餅😋
之後我即刻開手機同佢影
 
篠崎泫
AE,可青 , 因為可青個好人事跡令我接住就同佢影
可青😝勁順攤 , 佢個表情同我2年前第一次見到佢一樣樣 , 而且都係溫柔既聲線依然
 
曾可青
語噥都係好順攤。佢仲問我 : 你是澳門人嗎。 我講左我喺豬嗨過黎。香港人 , 我仲同佢地講我點講黎
 
張語噥
而星潼素顏😛佢勁怕醜。問我有冇美肌。我話別擔心😂
 
林星潼
都好順利影左 , 佢都有擺甫士影 , 我仲記得上年佢冇人理好慘 , 其實我自己都幾鐘意佢 , 所以反正都諗住R齊就一次過影哂
最後就行過去眾人身後既凱希 , 我 : 凱希... 我都未講完句野佢已經行左過黎我側邊影 , 勁順攤 , 我唔好意思表露身份驚佢唔記得左我所以都冇講我係邊個
但係果陣佢其實已經記得我...
因為喺之後既17直播度佢有提起....
🙋你是沙子喔😮
🙇你為什麼會知道沙子😱
🙎因為我那天聽到你跟泫說是沙 子😂而且你IG有tag我的呀。我點進去看 Shaz應該是沙子吧。Rc那個吧😏
🙇這麼好記性喔😂😂
凱希都問我美肌。但佢皮膚唔錯
 
徐凱希
而我就終於捕哂佢地啦 , 成功捕左
最尾我都同佢地吹左陣水 , 同埋同佢地講左BYE BYE , 第一次好似演講好似小組討論咁一次過同5個傾計 , 但係我係唔會淆既 , 因為如果一淆就會比自己後悔
我係唔可以做傻仔...
好喇 , TWINKO又捕完 , 水又吹完 , 相又影完 , 我就番番去威尼斯搵埋果幾個傻仔賭幾手...
再同傻仔基番去拱北 , 而傻9傑同廢煒就繼續博殺野都唔食....
又番到黎 聖琼 打邊爐 , D肉真係要喪食 , 我次次都食十盤八盤 , D魚又係勁正
輕鬆賣隊友
最後一日 , 我地食完豬肚雞就搭大巴番深圳
豬肚雞 , 我好鍾意飲個湯 , 咸咸地又帶有好濃既豬肚味 , 比咸菜豬肚個湯濃D同香D , 唔錯
終於都要走了...
最後喺深圳行左個伏UP書城 , 食埋個韓式伏飯
正式大完
包膠之感想 :
本來係帶住中伏既心情去呢轉短線旅行 , 經歷了多次神燈 , 總算不枉此行 , 不過到現場睇表演呢個小心願始於都未完成
我會等呢個機會的 , 好想去台灣日本散下心.....
R吻包膠篇大完
|
