嗯？今日都無乜特別事發生~
第一堂--班主任課：發發無啦啦播鏗鏘集比我地睇...係講「食物廢物」既，原來d飛機餐好浪費架....一間航空公司一日就產生3噸既食物，好恐怖..........
第二堂--maths堂：關sir講左D我地唔明既野囉，教我地點樣將一條線平均分開兩份，又要用圓規畫唔知幾多條線，又要用間尺間黎間去；既然有間尺，點解唔度下條線有幾長，跟住將佢除2仲快啦= =
第三堂--computer：又講LOGO....大佬呀，有無第二D野講架，悶悶悶悶悶呀！人地隔離Group可以自由活動，又可以玩MSN，我地就係咁溫黎溫去；不過都好，劉sir講講下書發現原來我地班教少左2課，今堂又係上學期最後一堂，所以考試又可以考少2課囉~~
第四堂--中文堂：無乜特別野，派返篇500字既閱讀報告(滿分10分，我拎8分^^)，同我地講返錯別字果份基礎，悶
小息：悶
第五堂--英文堂：默書......102分呀~全班最高分^o^
第六堂--英文堂：繼續討論果本唔知咩書( Christmas Carol )，其實我無乜點睇過，又要我地做工作紙=_=....Miss Hui教書真係好悶><
LUNCH：原本打返小學，之後淆左，去左MMLC睇人xanga，成班人圍住一部電腦邊睇邊
 ；之後行過3樓，見到Head Prefect王明輝著到成個神偷咁，全身著住黑白間條衫= =.....之後又有時間剩，就玩果個唔知咩【校園大搜查】，我地成班人係到搵，搵到第一個checkpoint，跟住又搵到第二個，點知發現有人偷左野！！去第三個checkpoint果張提示比人偷左，我地就上左去5樓prefect room報案，點知D prefect咁認真，真係問晒我地d名......= =又無優點加既
第七堂--Geography：好消息，星期三果兩堂連堂會去MMLC上呀！！！岩岩開始講第3課【Too Much Water】，講Flooding，有得睇【明日之後】呀^^
第八、九堂--PE堂：好恐怖囉.....徐太有男更衣室鎖匙架@o@！！周sir今日好似食左炸藥咁，好燥@@，又心不在焉.....今堂都唔知講左幾多次「發你個夢」呢句野，陳伯傳錯波，就鬧佢：「發你個夢呀？」；有個Form 1唔留心聽佢講野，又鬧佢：「發你個夢呀？」最搞笑既係，無啦啦講講下野，佢講左句：「歐陽永佳射果球射得好！」歐陽永佳？係邊呀大佬？= =....「周sir,,,唔好發夢啦」
放學,,,,,Miss Chan Chan同我地補課，要補中史；其實傾計既時間多過講中史既時間多好多@@.....Miss Chan,,,你對我地實在太好啦...>< ( 雖然你講書果陣我唔係好明=3= )
返到屋企啦.........睇完多啦A夢就打呢篇野，始終都係屋企舒服.......
| 
