晨早流流9點半比出面D野嘈醒左，無啦啦出面係度敲鑼打鼓.........D人又係度唱歌，我又聽唔明，佢地係度唱D「heheho~」有時又唱下「hehohe~~」，唔知搞乜.............持續左成個鐘先停，之後我又訓覺

行左身，我阿媽同我講，原來有D圍村人黎左，佢地有人要娶新娘，個新娘住我地果座，佢地黎接新娘......跳晒舞，好好睇..............頂，又唔叫醒我，我一生人都未必有機會睇第二次...............................

下午同人出街玩~~

夜晚去左紅館睇野~~冰上奇妙之旅>v<~~~好好睇呀！！！！！！！原來D人溜冰可以溜到咁勁，睇黎我都要練多D先得！

夜晚去左尖沙咀.....好多人，我呢生人入面最熱既聖誕節

見到一班唱詩既人，係度唱「愛是不保留」，好好聽呀^^~~

跟住再行前D，見到好大堆人，我又行埋去睇下，原來有D阿伯係到夾BAND，連saxophone都有~~個主持人係個阿嬸，佢周圍拉D觀眾出黎跳舞，有大人，有細佬，D人比佢拉左出黎又唔識跳，就走返入去；跟住有個阿伯走左出黎係度跳，哇.....好勁，真係識跳架喎；跟住佢捉住個主持人要佢一齊跳，點知個主持人都唔夠佢勁，跟唔到，個阿伯就好hill咁話佢：做咩唔跳？一齊跳啦~~(睇死佢都跳上癮= =)

興致大發，去埋中環......我搭船船去~~~~~架船爆到咩咁，我坐係一路聽MP3，一路吹風；突然聽到後面係到播音樂，又無歌詞，好似喊驚咁叫「呀~~~哦~~~~~」，我係到諗：聖誕節播D咁既音樂.....救命= =，段音樂持續左5分鐘左右.....都幾恐怖.......突然D音樂停左！望下死周圍.....根本又無喇吧又無咪，何來音樂？見到後面有個阿伯企左係度，鞠左個躬，然後擺左個人地摔角比賽準備開始既手勢，跟住就又飛手，又踢腿，又講左幾句唔知乜既野......睇下睇下，佢十成唔係傻既就係飲醉酒= =........架船到左，好勁咁撞左去岸邊一下，即刻聽到有人尖叫，我都差嚇死左；見到個阿伯識得企起身行出去，我諗諗下：個阿伯又識入黎，又識搵位坐低，到站又識行返出去，都傻唔晒...........

再行多一陣，影左D相，就搭115巴士返屋企啦......

祝大家聖誕快樂！！！！！！！！！！！！！！^^

同我表妹同表弟落街買禮物......撞到阿Tim@@

見到D人係到唱詩，我地走埋去湊熱鬧

跟住佢地問問題，問：「我地教會既陳牧師係姓咩架？」，我表妹好快舉左手，答佢：「話明係陳牧師！當然係姓陳啦！」，問問題果個人問佢叫咩名，佢就即刻唔出聲= =........不過都贏左一袋糖，而家我地食緊呀@v@

留在家中@@

表弟同表妹黎左我屋企玩，好嘈呀= =

部電腦差D壞，陣間又有排執屋

加左應昌佑同衛蘭唱既「24」~~好唔好聽呢？

祝大家聖誕快樂！！！