聖誕崇拜~~著便服返學
返到學校，個校工話開晒門，咪上左去囉.....跟住發現無開門，就諗住係中間樓梯落返1/F~~點知去到2/F果陣，見到下面都未開閘，我同陶享就去左B樓梯行落去.....點知個校工死都話開左門，唔肯比key我地= =
終於開左門，D人好勤力咁做功課......今日要交IS解難測驗同Geog剪報
到左崇拜，我地班比人斬開左，我坐左係班form 5入面.......我右邊係張無人坐既凳，本來唱歌果陣都ok既，跟住個牧師講道果陣，我竟然不知不覺咁訓著左......容sir坐我對面，就伸隻手過黎敲我隔離張空凳，叫我起身.......真係好眼訓
終於捱過左，上返去開party.....又係我地既廢柴康樂表演既時間，玩左大風吹，勁囉= =.......跟住陳sir帶領我地玩左個遊戲，佢倒左包麵粉出黎，堆成一座山，再放粒糖係上面.......我地分2組玩，要直切d麵粉出黎，又唔可以整跌粒糖，整跌左就要食左粒糖，仲要唔可以用手！！搞到金魚成塊面都白晒@@~~~~
之後去左搵Miss Chan Chan......送左張聖誕卡比佢，佢主動同我影相~~好開心^^
之後返返去課室，食野.........我地買果D壽司好快就無晒@v@~~~~~~~~~仲有好多好好食既野，D jelly都整得唔錯
抽獎，我抽中左副象棋，屋企大把啦，就同人換左副puzzle，決定要係聖誕假期內砌好佢！！
完左，執野，分3架taxi去又一城行街，無野行.......又係KFC玩true or dare，跟住佢地去睇哈利波特4，因為我之前睇左優先場，所以唔陪佢地去睇
我搭2號小巴走先......又好眼訓....訓著左，我隱約聽到個司機問「xxx有無落？」......我過左5秒，諗下諗下，先大叫「有呀」........落左車，個人都企唔穩，根本就未清醒
返到屋企了，等緊今晚可以打邊爐 | 
