今日又要返學呀~去銅鑼灣聽關於奧運既野
搞到我又要咁早起身,7點半起身,之後8點4左右出門口
去到長康見到阿霖(因為約好)之後上去士多買左包M3俾佢做生日禮物= =
又話戒煙...之後返學校,冇幾耐衰銘阿廷佢地返到...
張通告又話8點半出發,點知9點先上車
我地上1號車,同衰銘阿廷坐最後,但唔知做乜阿霖佢地去左2號車...
去到九龍個邊塞車塞到傻咁滯...結果10點幾先到
之後就聽個人係度講野講到11點幾,之後話有得休息...
休完就有D運動員黎,有胡兆康,鄭錦興同呂楚威
之後聽到12點幾就走,因為我地想係銅鑼灣行1陣,所以冇跟車返
架旅遊巴1開,我地就煲煙,哈哈,同幾個女仔搵路出去
之後佢地走開左...而我地繼續向前行居然好快就可以出到大街
之後係SOGO兜左陣,想去搵野食,原本諗住食大家樂,但衰銘又話唔好...
結果搵黎搵去,最尾到係係時代廣場食大家樂= =
食完就煲左陣煙,之後阿廷同衰銘話返青衣打機,而我就同阿霖同利永健行街
行到咁上下就搵地鐵返屋企,返到青衣城海旁繼續煲煙
之後去左長發搵+2,之後先返屋企,到夜晚出葵芳,搭小巴時見到大麻佬...
跟住坐坐下見到阿霖佢地...係葵芳食完飯就搭車入屯門...