今日都唔知算唔算係最後1日返學
因為返埋今日今年就唔使再上堂
其餘日子返黎都係試後活動...
頭2堂maths,教書...考完試都要教書...
而且因為最後1堂,又係度講"廢"腑之言...
反正都唔使考試,所以咪唔聽,係度訓覺囉
升到上去先再讀番都唔遲丫,之後2堂英文
空堂咁過,好彩我同陸志偉講番份listening計少分
結果佢加多1分,即係30,好野,岩岩好升1個grade
之後2堂chem,派MC,岩29題..MC合格呀~好開心
不過埋單計分之後,總分都係唔合格,得31,算啦...
之後budd,坐番自己個位,結果惡夢來了
禿頭惡魔不斷講冷笑話,又唔知自己把聲大聲...
結果我個度好凍,help me,所以坐左係牛奶附近
budd居然有31.5分,我仲諗住自己得廿分,喜出望外
最後係2堂中文,miss謝講埋作文之後就自由活動啦
中文總分居然有53分...合格啦...好開心呀
放學之後+2上左黎我屋企食野同做project
之後我自己就入左屯門食飯啦