今日落勁大雨呀...不過返到學都唔算好濕
今日都係唔洗排隊就上去,又係差d遲到...
閱讀個時拎番本真係笑話返黎睇...頭個堂係bio
冇書,無聊咁過,之後maths,2堂phys,過左lab
再之後又係maths,maths個時校長話因為紅雨
所以又唔俾我地出去食...冇所謂,所正今日係+2媽媽拎飯
跟住就中文,中文又要分組又要出去答野...
牛奶提議猜輸左個個出去講,結果佢自己輸左...
從此我已經證實左,通常邊個提議就會係個個人輸...
臨落堂前5分鐘,仆街校長又話轉左黃雨所以俾我地出去食...
之後lunch,+2媽媽拎飯黎,食完就返班房玩,最尾個3堂TT
我未俾錢王老吉佢都派書俾我...不過我會俾番佢既...
3堂都係睇下漫畫,吹下水咁...今日坐係隔離既唔係3X
而係衰銘,最後個15分鐘幫衰銘做左少少hist...
放左學之後就同升升,+2出荃灣報名...係4樓去過廁所啫
1出去即刻見到個禿頭...出到校門,升升撩佢講野...
咁咪唔理佢地囉,冇眼屎乾淨盲,之後搭243M,上車冇雨
出到荃灣又勁大雨...頂佢個肺...去到現代
拎個遮套,成個套都係雨水...之後再行埋過去英皇度睇
睇完就返現代報名,報完之後原本諗住買書,但冇,所以冇得買
之後就搭車屋企,搭車個陣升升打黎,佢個陣先知道佢張證個名寫錯...
寫左+2個名...返到屋企大約6點10左右